Nau Hôr 15:30 - Nau Brah Ndu Ngơi 2023

³⁰ Măt ang ƀư ăn nuih n'hâm răm maak, Nau mhe mhan ueh ƀư ma nting nđăng dơi dăng.

Nau Hôr 15:30 ပူးပေါင်းရင်းမြစ်များ

Êsra 9:8

Ƀiălah aƀaơ ri, Yêhôva Brah Ndu phung kon hŏ yô̆ an ma hên, gay ăn hên du kô̆ hôm e klen dơi klaih, jêh ri ăn ma hên du ngih brah tâm trôm ntŭk kloh ueh aơ, gay ma Brah Ndu hên ƀư ăn ang măt phung kon dơi saơ ang jêh ri ăn hên dơi rêh đŏng djê̆ djê̆ tă bơh ƀư bu nă.

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Nau Hôr 12:25

Nau rngot tâm nuih n'hâm ƀư ma kon bunuyh mĭn rvê, Ƀiălah du nau ngơi ueh ƀư maak nuih n'hâm.

Nau Hôr 13:9

Nau ang phung sŏng srăng troh nau maak, Ƀiălah ŭnh kađen bơh phung ƀai gơnh geh nau nhhât.

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Nau Hôr 15:31

Mbu nơm rkêng tôr iăt nau nduyh nkra nau rêh. Mra dơi gŭ ta nklang bunuyh blau mĭn.

Nau Hôr 17:22

Nuih n'hâm hâk răm jêng du ntil dak si ueh, Bi nau rdja nuih ƀư ăn nting sơh kro.

Nau Hôr 25:25

Nau mhe mhan ueh bơh bri ngai tât Nâm bu dak nđik rngêt ăn ma bunuyh dôl ji hir.

Nau Hôr 3:8

Pônây klŏ may mra dơi bah Jêh ri nting may dơi dăng.

Nơm Nti 11:7

Nau ang jêng rdơ̆ rbăn ngăn; Jêng maak răm ngăn ăn trôm măt saơ ang nar!

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.