Nau Hôr 15:28 - Nau Brah Ndu Ngơi 2023

²⁸ Nuih n'hâm bunuyh sŏng srăng mĭn rvê mâm nau mra plơ̆ lah, Ƀiălah bâr mbung phung djơh mhĭk ngơi luh nau janh.

Nau Hôr 15:28 ပူးပေါင်းရင်းမြစ်များ

Nau Mprơ Ơm 59:7

Ri mbung khân păng hok luh nau suai rak; Mbung khân păng tâm ban ma du mlâm đao. Yorlah khân păng lah êng: “Mâu geh bu tăng ôh?”

Nau Hôr 10:19

Mbu âk ngơi, nơih ngăn geh nau tih; Ƀiălah mbu nơm blau njrăng bâr mbung jêng nau blau mĭn.

Nau Hôr 10:32

Mbung bunuyh sŏng srăng ngơi ntil nau ueh, Ƀiălah bâr mbung phung mhĭk knŏng ngơi nau kue.

Nau Hôr 13:16

Lĕ rngôch bunuyh geh nau blau njrăng pah kan ma nau blau mĭn, Ƀiălah bunuyh rluk mâl tâm mpơl nau rluk păng.

Nau Hôr 15:2

Mpiăt phung blau mĭn ngơi nau gĭt rbăng, Ƀiălah mbung phung rluk knŏng luh nau brŭt moih.

Nau Hôr 16:23

Nuih n'hâm blau mĭn ntĭm nti mbung păng, Jêh ri ntop nau gĭt mĭn ăn ma bâr mbung.

Nau Hôr 29:11

Bunuyh rluk mpơl lĕ nau ji nuih păng nơm, Bi bunuyh blau mĭn nsrôih ât nau nuih păng.

Nau Hôr 29:20

May saơ lĕ nơm ngơi ndal ir tâm nau ngơi păng? Du huê nơm rluk hôm e geh nau kâp gân lơn ma păng.

Nơm Nti 5:2

May lơi ngăch ir hă mbung, Mâu lĕ ndal ir ngơi moh nau tanăp Brah Ndu, Yorlah Brah Ndu gŭ klơ trôk, Bi may gŭ tâm dâng neh. Pônây, djê̆ ngơi hom.

Nơm Nti 5:6

Lơi ăn trôm mbung may ƀư ăn may tih, jêh ri lơi ngơi tanăp nơm mbơh Brah Ndu pô aơ: “Nây jêng vĭ.” Mâm may ƀư ăn Brah Ndu ji nuih yor nau ngơi may, jêh ri Păng ƀư rai kan ti may?

Mathay 12:34

Hơi phung kon bêh rmâng! Khân may phung djơh mhĭk, mâm dơi ngơi nau ueh? Yorlah bêng tâm nuih n'hâm rĭ dĭng mbung luh ngơi.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.