Nau Hôr 15:25 - Nau Brah Ndu Ngơi 2023

²⁵ Brah Yêhôva ƀư rlâm lơi ngih phung sưr, Ƀiălah Păng king nâp n'har bri bu ur ndrô.

Nau Hôr 15:25 ပူးပေါင်းရင်းမြစ်များ

Ndrom Samƀŭt bơh Yôp 24:21

Khân păng ƀư mhĭk ma bunuyh mâu bă kon, mâu deh kon; Gŭ ngao mhĭk ma bu ur ndrô.

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Mprơ Ơm 146:9

Brah Yêhôva king n'gang phung bu năch, Kơl rđâng phung kon đơi jêh ri bu ur ndrô, Ƀiălah Păng ƀư rai lơi trong phung ƀai.

Nau Mprơ Ơm 52:1

Hơi bunuyh janh ktang, mâm ƀư may ntưih êng ma nau janh? Nau ueh Brah Ndu hôm mro mrăng.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Hôr 12:7

Bu lơh rlâm lơi phung ƀai, khân păng mâu hôm ôh, Ƀiălah ngih phung sŏng srăng hôm gŭ nâp.

Nau Hôr 14:11

Ngih phung djơh mhĭk bu mra ƀư rai, Ƀiălah vâl bok phung sŏng mra dơi geh jêng.

Nau Hôr 15:26

Nau mĭn djơh mhĭk jêng nau tâm rmot đah Brah Yêhôva, Ƀiălah nau kloh ueh dơi ƀư ueh nuih n'hâm Păng.

Nau Hôr 23:10

Lơi ta trơn ôh jrŏng n'har neh ơm kăl e, Jêh ri lơi ta in ôh mir phung kon đơi;

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Nau Vay Nkah Tay 19:14

Khân may mâu dơi trơn n'har bri phung chiau meng, kôranh ơm ndâk jêh tâm kô̆ drăp ndơn khân may mra dơi dơn tâm n'gor Yêhôva Brah Ndu ăn ma khân may.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.