Nau Hôr 15:2 - Nau Brah Ndu Ngơi 2023

² Mpiăt phung blau mĭn ngơi nau gĭt rbăng, Ƀiălah mbung phung rluk knŏng luh nau brŭt moih.

Nau Hôr 15:2 ပူးပေါင်းရင်းမြစ်များ

Nau Mprơ Ơm 45:1

Nuih n'hâm gâp bêng ler ma nau ueh ngăn; Gâp ngơi ma nau mprĭng aơ ma may; Mpiăt gâp tâm ban ma du mlâm mâng nchih du huê nơm nchih samƀŭt njêh.

Nau Mprơ Ơm 59:7

Ri mbung khân păng hok luh nau suai rak; Mbung khân păng tâm ban ma du mlâm đao. Yorlah khân păng lah êng: “Mâu geh bu tăng ôh?”

Nau Hôr 12:23

Bunuyh blau mâu ngơi ntưih ôh nau gĭt blau, Nuih n'hâm phung rluk mpơl nau brŭt ndrăng

Nau Hôr 13:16

Lĕ rngôch bunuyh geh nau blau njrăng pah kan ma nau blau mĭn, Ƀiălah bunuyh rluk mâl tâm mpơl nau rluk păng.

Nau Hôr 15:23

Mbung blau plơ̆ lah ƀư ăn bu răm maak, Nau ngơi di mông jêng ueh ngăn ngên!

Nau Hôr 15:28

Nuih n'hâm bunuyh sŏng srăng mĭn rvê mâm nau mra plơ̆ lah, Ƀiălah bâr mbung phung djơh mhĭk ngơi luh nau janh.

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nau Hôr 16:23

Nuih n'hâm blau mĭn ntĭm nti mbung păng, Jêh ri ntop nau gĭt mĭn ăn ma bâr mbung.

Nau Hôr 5:2

Gay ma may dơi mât nau blau njrăng, Jêh ri mbung may djôt prăp nau blau mĭn âk.

Nơm Nti 10:14

Bunuyh rluk vay ngơi âk; Ƀiălah kon bunuyh mâu dơi gĭt ôh moh nau mra geh tât, Jêh ri mbu nơm dơi ngơi ăn bunuyh gĭt nau tâm nar kăndơ̆?

Nơm Nti 5:3

Âk nau mĭn rvê jêng nau mbơi; Bi ma âk ngơi jêng nau rluk.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.