Nau Hôr 15:16 - Nau Brah Ndu Ngơi 2023

¹⁶ Ueh lơn geh djê̆ drăp ndơ ƀiălah klach yơk ma Brah Yêhôva Rlau lơn đah geh âk drăp ndơ ƀiălah nau rŭng răng tĭng groi.

Nau Hôr 15:16 ပူးပေါင်းရင်းမြစ်များ

Nau Mprơ Ơm 37:16

Bunuyh sŏng srăng nđâp lah geh djê̆ drăp ndơ Rlau lơn ma nơm ndrŏng ƀư nau mhĭk.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nau Hôr 15:15

Ăp nar phung rêh ni jêng mhĭk da dê, Ƀiălah nuih n'hâm hâk răm râng nau nhêt sông ƀaƀơ.

Nau Hôr 16:8

Ueh lơn geh djê̆ ndơ ƀiălah gŭ rêh sŏng srăng Rlau lơn ma âk ndơ sa ƀiălah rêh ma nau kue.

Nau Hôr 17:1

Ueh lơn du glo piăng let kro geh nau tâm rnglăp Rlau lơn đah ngih bêng ma puăch ƀư brah nkhơng tâm djrel.

Nau Hôr 28:6

Ueh lơn jêng bunuyh o ach rêh tâm nau sŏng Rlau lơn jêng nơm ndrŏng ƀiălah tĭng trong kue kuăt.

Nơm Nti 4:6

Ueh lơn bêng tâm mpang ti dơi geh nau rlu mpăn Rlau lơn jêng bêng lĕ bar mpang ti đah hŏt rgănh, Jêh ri nchuăt tĭng rlong sial khôm.

I Timôthê 6:6

Nau klach yơk nđâp ma nuih n'hâm maak jêng nau khlay toyh.