Nau Hôr 15:14 - Nau Brah Ndu Ngơi 2023

¹⁴ Nuih n'hâm bunuyh gĭt rbăng tĭng joi nau blau mĭn âk, Bi ma mbung phung rluk mât nau brŭt moih.

Nau Hôr 15:14 ပူးပေါင်းရင်းမြစ်များ

Nau Mprơ Ơm 119:100

Gâp gĭt rbăng âk lơn ma phung bu ranh, Yorlah gâp djôt prăp jêh nau May ntăm.

Nau Mprơ Ơm 119:97

Gâp rŏng kơnh ngăn ngên ma nau vay May! Lĕ nar gâp gŭ mĭn ma nau vay nây.

Nau Hôr 1:5

Phung blau mĭn mra gŭ iăt jêh ri ntop nau gĭt blau lơn, Phung gĭt rbăng mra dơi joi nau bu ntĭm,

Nau Hôr 12:23

Bunuyh blau mâu ngơi ntưih ôh nau gĭt blau, Nuih n'hâm phung rluk mpơl nau brŭt ndrăng

Nau Hôr 15:15

Ăp nar phung rêh ni jêng mhĭk da dê, Ƀiălah nuih n'hâm hâk răm râng nau nhêt sông ƀaƀơ.

Nau Hôr 18:15

Nuih n'hâm bunuyh gĭt rbăng vơt dơn nau blau mĭn, Tôr bunuyh blau mĭn tĭng joi nau gĭt rbăng.

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Ndrom Samƀŭt bơh Ôsê 12:1

Êphraim sŏk nau ngơi mƀruh, Ngih Israel sŏk nau ndơm nchueng Gâp. Ƀiălah Yuđa ăt hăn ma Brah Ndu Jêh ri prăp nuih n'hâm răp jăp đah Nơm Kloh Ueh.

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.