Nau Hôr 15:1 - Nau Brah Ndu Ngơi 2023

¹ Nau plơ̆ lah ma bâr rdơ̆ rbăn ƀư djoh nau ji nuih, Bi nau ngơi dăng nsônh nau ji nuih.

Nau Hôr 15:1 ပူးပေါင်းရင်းမြစ်များ

II Samuel 19:43

Phung Israel plơ̆ lah đŏng ma phung Yuđa: “Ma hađăch Đavit, hên geh jât mpôl băl prăp ma ngih hađăch; rlau lơn ma nĕ, hên geh âk nau di lơn ƀơh đah khân may. Pôri mâm ƀư khân may tâm rmot ir ma hên? Mâu hĕ di hên jêng phung lor lơn hŏ lah ma nau njŭn sĭt hađăch he?” Ƀiălah phung Yuđa ngơi ktang lơn ma phung Israel ngơi.

I Phung Hađăch 12:7

Khân păng lah ma păng: “Tơlah nar aơ may jêng du huê oh mon ma phung ƀon lan aơ, pah kan ma khân păng, jêh ri dŏng ngơi nau ueh gay plơ̆ lah ma khân păng, ri mơ khân păng mra jêng oh mon ma may mro mrăng.”

II Nau Rêh Jêng 10:7

Phung kôranh bu ranh mbơh ma hađăch: “Tơlah hađăch ƀư ueh ma phung ƀon lan aơ, ƀư maak nuih n'hâm khân păng, jêh ri ngơi nau ueh ma khân păng, pôri khân păng mra jêng oh mon ma may mro mrăng.”

Ndrom Samƀŭt bơh Yôp 41:3

Gâp mra ngơi ma lĕ kô̆ săk jăn păng, Ma n'hâm suan jêh ri nau ueh săk jăn păng.

Nau Hôr 10:12

Nau tâm rmot jêng nsônh ma nau tâm djrel, Nuih n'hâm tâm rŏng nkŭm lĕ nau tih.

Nau Hôr 15:18

Bunuyh gơnh nuih vay nsônh nau tâm djrel, Ƀiălah bunuyh băt nuih ƀư bah nau tâm djrel.

Nau Hôr 25:15

Băt ji nuih ƀaƀơ ri mơ dơi ntrôl kôranh chiă uănh; Bi ma mpiăt rdơ̆ rbăn nkê̆ch pă nting nđăng.

Nau Hôr 28:25

Phung kơnh ndrăp ndơ ƀư nau tâm djrel, Ƀiălah bunuyh rnơm nsing ma Brah Yêhôva mra dơi geh nau geh jêng.

Nau Hôr 29:22

Bunuyh mơng nuih ƀư nau tâm djrel, Bunuyh duh nuih ƀư âk nau tih ngăn.

Nau Hôr 29:8

Phung dăng mưch mpoh ŭnh ăn ƀon toyh roh rai, Ƀiălah bunuyh blau mĭn ƀư ăn djoh nau ji nuih.

Kôranh Oh Mon 19:41

Jêh păng ngơi pônây, păng đă phung tâm rƀŭn sĭt.