Nau Hôr 14:8 - Nau Brah Ndu Ngơi 2023

⁸ Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 14:8 ပူးပေါင်းရင်းမြစ်များ

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 119:5

Ơ! Ŭch ma trong gâp dơi nâp ktang Gay ma gâp djôt prăp lĕ nau vay dăp May!

Nau Mprơ Ơm 119:73

Mbang ti May rhăk jêh gâp jêh ri mon jêh gâp; Ăn ma gâp nau gĭt rbăng, gay ma gâp dơi nti nau vay May ntăm.

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Hôr 11:18

Bunuyh ƀư nau ƀai dơn rnoh nkhôm ma nau ndơm, Ƀiălah bunuyh srih nau sŏng srăng dơi geh nau nkhôm n'hêl nanê̆ ngăn.

Nau Hôr 12:5

Nau mĭn phung sŏng srăng jêng di ngăn, Nau nchră bơh phung ƀai jêng nau ndơm da dê.

Nau Hôr 15:21

Bunuyh mâu geh nau gĭt vât sŏk nau rluk ƀư maak ma păng nơm, Ƀiălah bunuyh gĭt rbăng ăt chuat hăn tâm trong sŏng.

Nau Hôr 2:9

Nôk nây may mra gĭt rbăng nau sŏng srăng jêh ri nau di, Nau sŏng jêh ri lĕ rngôch trong ueh.

Nau Hôr 8:20

Gâp chuat tĭng tâm trong nau sŏng srăng, Gŭ tâm trong di,

Nơm Nti 2:13

Gâp saơ pô aơ nau blau mĭn geh nau khlay lơn ma nau rluk, nâm bu nau ang geh nau khlay lơn ma nau ngo.

Nơm Nti 2:16

Bu mâu hôm kah gĭt mro bunuyh blau mĭn tâm ban phung rluk; yorlah tâm lĕ nar mra dăch tât, lĕ rngôch chuêl da dê. Di yơh, bunuyh blau mĭn tâm ban phung rluk mra khĭt da dê!

Yêrêmi 13:20

N'gơr măt uănh hom Phung bunuyh tât tă bơh mpeh pa lơ. Phung biăp hŏ jao jêh ma may, Phung biăp ƀư ăn n'hao nuih may, lĕ rngôch ta ntŭk?

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”

Êphêsô 4:22

Pôri, khân may doh chalơi hom bunuyh ơm jêng ndơ nau rêh rnôk kăl e, ơm jêng tih mhĭk jêh yor lĕ nau kơnh ŭch mƀruh nchơt;

Êphêsô 5:17

Yor nây, lơi plơ̆ jêng nâm bu phung rluk mâl ôh, ƀiălah ăn khân may gĭt vât ra vah moh nau mĭn Kôranh Brah ŭch.

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.