Nau Hôr 14:5 - Nau Brah Ndu Ngơi 2023

⁵ Bunuyh mbơh ngơi ngăn mâu geh ôh ngơi mƀruh. Bi phung bunuyh mbơh mƀruh luh ngơi nau rlăm.

Nau Hôr 14:5 ပူးပေါင်းရင်းမြစ်များ

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

Nau Ngluh Êjipt 20:16

May mâu dơi ngơi nchơt ƀư mhĭk ma phung chiau meng may nơm.

Nau Ngluh Êjipt 23:1

“Lơi may nkoch bri nklă. May mâu dơi tâm rnglăp đah bunuyh mhĭk gay mbơh mƀruh.

Nau Hôr 12:17

Nơm mbơh nau ngăn ngơi nau sŏng srăng, Bi bunuyh mbơh mƀruh knŏng nkoch bri nau ndơm.

Nau Hôr 13:5

Bunuyh sŏng srăng tâm rmot ma nau ngơi mƀruh, Bunuyh djơh mhĭk di ma bu tâm rmot jêh ri bêk prêng.

Nau Hôr 14:25

Nơm mbơh nau nanê̆ ngăn tâm rklaih âk nau rêh, Ƀiălah bunuyh ngơi mƀruh knŏng jêng nau ndơm.

Nau Hôr 14:4

Ta ntŭk mâu geh ndrôk, ta nây hip gơ̆ nsoih dơm, Ƀiălah tă n'hâm suan ndrôk, geh play ba âk rmeh.

Nau Hôr 14:6

Bunuyh dăng mưch joi nau blau mĭn ƀiălah mâu mâp ôh, Ƀiălah bunuyh gĭt mĭn nơih pơih mâp nau blau mĭn.

Nau Hôr 19:5

Nơm mbơh mƀruh mâu dơi klaih ôh đah nau tâm rmal, Ma nơm ngơi mƀruh nchơt mâu lĕ mra dơi klaih.

Nau Hôr 19:9

Nơm mbơh kue mâu mra klaih ôh bơh nau tâm rmal, Mbu nơm ngơi mƀruh mra rai yot.

Nau Hôr 6:19

Nơm nkoch mƀruh jêh ri ngơi nau nchơt, Nơm joi nau tâm djrel ndrăng oh nâu.

Nau Vay Nkah Tay 19:16

Tơlah geh du huê nơm mbơh mƀruh dâk gay phong ma du huê bunuyh yor nau păng ƀư tih,

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng: