Nau Hôr 14:32 - Nau Brah Ndu Ngơi 2023

³² Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nau Hôr 14:32 ပူးပေါင်းရင်းမြစ်များ

Nau Ntơm 49:18

Ơ Brah Yêhôva! Gâp gŭ kâp nau May sâm rklaih!

Ndrom Samƀŭt bơh Yôp 13:15

Nđâp lah Kôranh Brah nkhĭt gâp, gâp hôm e rnơm nsing ma Păng; Jêh ri gâp mra koh dŏng nau rêh gâp nơm tanăp măt Păng.

Ndrom Samƀŭt bơh Yôp 18:18

Păng lĕ bu mprơh bơh nau ang gay lăp tâm ntŭk nau ngo, Jêh ri bu mprơh lơi bơh neh ntu.

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Nau Mprơ Ơm 17:15

Ƀiălah gâp mra nsing yor nau sŏng srăng Kôranh Brah ăn dĭng saơ muh măt Kôranh Brah; Tơlah gâp kah rngăl bê̆ch, gâp mra geh nau mpay, yorlah uănh rup May.

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Nau Mprơ Ơm 58:9

Tâm ban bu su lok tâm ŭnh năk kơt nây lĕ Jêh ri Păng mra ăn sial phŭt khôm lơi khân păng, nđâp lah khân păng hôm ndrêh mâu lah lĕ ŭnh sa.

Nau Mprơ Ơm 73:24

May mra sŏk nau ntĭm nti gay ma njŭn leo gâp, Jêh nau nây, vơt rom gâp tâm nau chrêk rmah.

Nau Hôr 11:5

Nau sŏng srăng bơh bunuyh n'hêl nanê̆ ƀư song trong păng, Bi nau mhĭk bơh bunuyh ƀai ƀư cha lôt păng.

Nau Hôr 14:33

Nau blau mĭn prăp tâm nuih n'hâm bunuyh gĭt rbăng, Bi ntil nau tâm trôm bunuyh rluk dơi mpơl.

Nau Hôr 24:16

Yorlah bunuyh sŏng srăng nđâp lah păng cha lôt pơh tơ̆ hôm dơi dâk đŏng, Bi ma phung djơh mhĭk mra ngâm tâm nau mhĭk.

Nau Hôr 5:22

Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Nau Hôr 6:15

Yor nây, nau rêh ni mra tât ma păng ma nau ndal; Tâm ƀât lât, păng mra rai roh ro mâu hôm dơi bah ôh.

Luka 2:29

“Ơ Kôranh Brah, aƀaơ aơ dăn Kôranh Brah ăn ma oh mon May luh hăn tâm nau đăp mpăn, Tĭng nâm nau May hŏ ngơi jêh;

Yôhan 8:21

Brah Yêsu lah đŏng ma khân păng: “Gâp hăn, khân may mra joi Gâp, jêh ri khân may mra khĭt tâm nau tih khân may nơm. Ta ntŭk Gâp hăn, khân may mâu dơi hăn ôh.”

Yôhan 8:24

Yor nây, Gâp hŏ lah jêh ma khân may, khân may mra khĭt tâm nau tih khân may nơm; Yorlah tơlah khân may mâu chroh ôh ma nau Gâp jêng Nơm N'ho Ro, khân may mra khĭt tâm nau tih khân may nơm.”

Samƀŭt Pôl Njuăl Ăn Ma Phung Nsing Ta Ƀon Rôm 9:22

Tơlah Brah Ndu ŭch tâm mpơl nau ji nuih jêh ri mbơh nau brah Păng, Păng hŏ srôih ŭn nuih tâm lĕ yăng khư geh nau ji nuih prăp ma nau roh rai, mhâm hơh?

II Kôrintô 1:9

Hên mĭn nâm bu hên nơm sŏk dơn jêh nau rmal nkhĭt; ƀiălah nau aơ ƀư ăn hên mâu hôm rnơm ma hên nơm ôh, ƀiălah rnơm nsing ma Brah Ndu, Nơm ƀư ăn bunuyh khĭt dâk rêh tay.

II Kôrintô 5:8

Pô ri, he nănh janh mro jêh ri ŭch luh tă bơh săk jăn aơ gay gŭ ndrel ma Kôranh Brah ueh lơn.

Philip 1:21

Yorlah ma gâp, rêh jêng Brah Krist, bi khĭt jêng nau ueh lơn ma gâp.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.

Nau Tâm Mpơl 14:13

Gâp tăng nteh tă bơh trôk ngơi pô aơ: “Nchih hom: Ntơm aƀaơ tât kăndơ̆, ueh maak yơh phung bunuyh khĭt jêng khĭt tâm Kôranh Brah!” Brah Huêng Ueh lah: “N'hêl nanê̆ ngăn, khân păng mra gŭ rlu bơh lĕ hŏt rgănh khân păng nơm jêh ri lĕ kan khân păng tĭng groi khân păng.”