Nau Hôr 14:30 - Nau Brah Ndu Ngơi 2023

³⁰ Nuih n'hâm đăp rmên jêng nau rêh ma săk jăn, Bi nau rmot ƀư rai tâm nting.

Nau Hôr 14:30 ပူးပေါင်းရင်းမြစ်များ

I Phung Hađăch 21:6

Hađăch plơ̆ lah: “Yorlah gâp hŏ ngơi lah jêh ma Y-Nabôt bunuyh Jesrêel, jêh ri lah: ‘Ăn ma gâp đang krăk ƀâu may tâm rgâl ma rnoh prăk, mâu lah tơlah may ŭch, gâp mra rgâl ma may du đang krăk ƀâu êng.’ Ƀiălah păng plơ̆ lah pô aơ: ‘Gâp mâu mra ăn ôh ma may đang krăk ƀâu gâp.’”

Ndrom Samƀŭt bơh Yôp 5:2

Yorlah nau rngot rvê nkhĭt bunuyh rluk mâl, Bi nuih n'hâm tâm nach ƀư nkhĭt bunuyh mleh.

Nau Mprơ Ơm 112:10

Bunuyh ƀai saơ nau nây jêh ri ji nuih, Rket sêk jêh ri roh rai; Nau phung ƀai ŭch mra rai lôch.

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Nau Hôr 12:4

Ur geh nau ueh jêng nâm bu đon hađăch ăn ma sai păng, Bi ma ur ƀư nau bêk prêng ƀư ma sai nâm bu ôm rai tâm nting.

Nau Hôr 15:13

Nuih n'hâm răm rhơn ƀư ăn măt hâk răm, Ƀiălah nuih n'hâm rngot ƀư ăn nau mĭn hươi rdja.

Nau Hôr 17:22

Nuih n'hâm hâk răm jêng du ntil dak si ueh, Bi nau rdja nuih ƀư ăn nting sơh kro.

Nau Hôr 3:8

Pônây klŏ may mra dơi bah Jêh ri nting may dơi dăng.

Nau Hôr 4:23

Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

Kôranh Oh Mon 7:9

Phung chô yau keh nach ma Y-Yôsep, yor ri bu tăch păng njŭn leo tât ta n'gor Êjipt; ƀiălah Brah Ndu gŭ ndrel ma păng.

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

II Timôthê 1:7

yorlah Brah Ndu mâu ăn ôh ma he nuih n'hâm klach, ƀiălah nuih n'hâm janh, geh nau rŏng jêh ri blau mât njrăng săk.

Yakơ 4:5

Mâu lah khân may mĭn jêng dơm dam nôk Nau Brah Ndu Ngơi lah: “Brah Huêng Ueh jêng Nơm Brah Ndu ƀư ăn gŭ tâm nuih n'hâm he, rŏng ma he kŏ tât geh nau ntôn?”