Nau Hôr 14:27 - Nau Brah Ndu Ngơi 2023

²⁷ Nau klach yơk ma Brah Yêhôva jêng tu dak nau rêh, Kơl kon bunuyh der bơh dăk nau khĭt.

Nau Hôr 14:27 ပူးပေါင်းရင်းမြစ်များ

Nau Mprơ Ơm 18:5

Lĕ rse ƀon phung khĭt hŏ kât jŭm gâp, Lĕ dăk nau khĭt nthăng nhŭp gâp.

Nau Hôr 10:27

Nau klach yơk ma Brah Yêhôva ntop jŏ nar khay gŭ rêh, Bi năm gŭ rêh ma phung mhĭk mra n'hŭch lơi ăn ƀhôi.

Nau Hôr 13:14

Nau ntĭm bơh bunuyh blau mĭn jêng tu dak nau rêh, Kơl ăn bunuyh iăt gay klaih bơh dăk nau khĭt.

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 14:28

Phung ƀon lan âk jêng nau chrêk rmah ma hađăch, Mâu geh ƀon lan, phung kôranh chiă uănh jêng nau rai lôch.

Nau Hôr 19:23

Nau klach yơk Brah Yêhôva njŭn tât nau rêh: Ƀư ăn khân păng dơi geh nau maak, Jêh ri nking lĕ rngôch nau mhĭk.

Nau Hôr 22:5

Tâm trong bunuyh djơh mhĭk geh lok jêh ri dăk bu sân; Mbu nơm mât njrăng huêng păng nơm mra der ngai bơh păng.

Nơm Nti 7:26

Gâp joi saơ du ntil nau rngot lơn ma nau khĭt, Nây jêng bu ur geh nuih n'hâm nâm bu ndơm jal, ti nâm bu rse rvăk. Mbu nơm rêh ueh nuih n'hâm Brah Ndu mra klaih bơh bu ur nây, Bi ma nơm geh tih mra geh păng nhŭp sŏk.

Êsai 33:6

Păng mra jêng nau nâp ma nar jêh ri mông khân may, Jêng nau tâm rklaih rmeh ler, nau blau mĭn, jêh ri nau gĭt rbăng; Nau klach yơk ma Brah Yêhôva jêng jay ndơ khlay Păng ăn.

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.