Nau Hôr 14:26 - Nau Brah Ndu Ngơi 2023

²⁶ Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 14:26 ပူးပေါင်းရင်းမြစ်များ

Nau Ntơm 31:42

Tơlah Brah Ndu chô yau gâp, jêng Brah Ndu Y-Abraham, jêng Nơm Y-Isăk klach yơk, mâu kâp kơl gâp, nanê̆ ngăn aƀaơ may mprơh jêh gâp hăn sĭt bar đah ti dơm. Brah Ndu hŏ saơ jêh nau gâp knap jêh ri gâp hŏt rgănh, yor ri măng ndơh Păng hŏ phat dôih an jêh.”

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Hôr 14:27

Nau klach yơk ma Brah Yêhôva jêng tu dak nau rêh, Kơl kon bunuyh der bơh dăk nau khĭt.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Nau Hôr 19:23

Nau klach yơk Brah Yêhôva njŭn tât nau rêh: Ƀư ăn khân păng dơi geh nau maak, Jêh ri nking lĕ rngôch nau mhĭk.

Nau Hôr 20:7

Bunuyh sŏng srăng gŭ ngao tâm nau ueh; Phung kon sau bunuyh nây geh nau ueh lăng ngăn!

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Êsai 33:6

Păng mra jêng nau nâp ma nar jêh ri mông khân may, Jêng nau tâm rklaih rmeh ler, nau blau mĭn, jêh ri nau gĭt rbăng; Nau klach yơk ma Brah Yêhôva jêng jay ndơ khlay Păng ăn.

Yêrêmi 15:11

Ƀiălah Brah Yêhôva lah: “N'hêl nanê̆ Gâp mra tâm rklaih may Yor nau ŭch ueh ngăn; Tâm nau ji tưp, nau rêh ni Gâp mra ƀư ma phung rlăng tât vơl dăn ma may.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.