Nau Hôr 14:2 - Nau Brah Ndu Ngơi 2023

² Bunuyh gŭ rêh tâm nau di klach yơk ma Brah Yêhôva, Bi ma nơm tĭng trong kue mưch rmot Păng.

Nau Hôr 14:2 ပူးပေါင်းရင်းမြစ်များ

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

II Phung Hađăch 17:34

Ma tât nar aơ, khân păng ăt hôm ƀư tĭng nâm nau vay saơm khân păng. Khân păng mâu klach yơk ôh ma Brah Yêhôva, mâu đŏng ƀư tĭng ndô̆ nau vay dăp, nau vay ƀư, nau vay, mâu lah nau vay Brah Yêhôva ntăm, hŏ ntăm jêh ma phung kon sau Y-Yakôb, nơm Păng ntơ amoh jêng Israel.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 12:4

Gâp dôl jêng nau gơm ăn ma mĭt jiăng, Nđâp lah gâp hŏ kuăl mbơh sơm ma Brah Ndu jêh ri Păng plơ̆ lah ma gâp; Bunuyh răp jăp n'hêl nê̆ jêng nkhơng nau gơm mưch ăn ma neh ntu!

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 25:21

Ăn nau kloh ueh jêh ri nau sŏng king n'gang gâp, Yorlah gâp kâp gân Kôranh Brah.

Nau Hôr 11:12

Mbu nơm mưch ma phung chiau meng păng jêng bunuyh mâu gĭt vât, Ƀiălah bunuyh geh nau gĭt rbăng gŭ rklăk.

Nau Hôr 16:17

Trong bunuyh sŏng der ngai nau mhĭk; Mbu nơm mât trong păng jêng mât huêng păng nơm.

Nau Hôr 16:6

Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 19:1

Ueh lơn jêng bunuyh o ach gŭ ngao mơih rmên, Rlau lơn jêng bunuyh geh bâr mbung mƀruh, jêng bunuyh rluk.

Nau Hôr 2:15

Khân păng hăn kue tâm lĕ trong hăn, Jêh ri vĭ nhhơt jêh tâm lĕ trong khân păng nơm.

Nau Hôr 28:6

Ueh lơn jêng bunuyh o ach rêh tâm nau sŏng Rlau lơn jêng nơm ndrŏng ƀiălah tĭng trong kue kuăt.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Luka 16:14

Phung Pharisi jêng phung rŏng ma prăk rêl tăng lĕ nau nây, ri mơ mưch rmot ma Brah Yêsu.

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Kôranh Oh Mon 10:35

ƀiălah tâm lĕ ntil mpôl bunuyh, mbu nơm klach yơk ma Kôranh Brah jêh ri ƀư nau sŏng srăng, Păng dơn bunuyh nây.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.