Nau Hôr 14:10 - Nau Brah Ndu Ngơi 2023

¹⁰ Nau rngot tâm nuih n'hâm knŏng nuih n'hâm păng nơm gĭt. Nau maak tâm nâm nuih n'hâm mâm dơi tâm pă đah phung êng.

Nau Hôr 14:10 ပူးပေါင်းရင်းမြစ်များ

Nau Ntơm 42:21

Khân păng tâm ngơi ndrăng khân păng nơm: “Nanê̆ ngăn he hŏ tih jêh đah oh he. He hŏ saơ jêh nau rngot tâm nuih n'hâm păng nôk păng vơl dăn ma he, ƀiălah he mâu ŭch iăt ôh. Yor nây nar aơ he anh nau rngot aơ.”

II Phung Hađăch 4:27

Tơlah bu ur nây hăn mâp ma bunuyh Brah Ndu ta klơ yôk, bu ur nây ut kuăn ta jâng păng. Y-Gêhasi văch dăch gay mprơh lơi păng, ƀiălah bunuyh Brah Ndu lah: “Kđôi păng, yorlah nuih n'hâm păng geh nau rngot hâu ngăn; Brah Yêhôva hŏ pôn ma gâp nau nây, jêh ri mâu ăn ma gâp gĭt.”

Ndrom Samƀŭt bơh Yôp 10:1

“Gâp mâu hôm ŭch rêh, Ri dĭng dah ŭch nau lŭng nter, Gâp mra ngơi tâm nau rngot bơh tâm nuih n'hâm gâp.

Ndrom Samƀŭt bơh Yôp 21:25

Geh bunuyh khǐt ma nuih n'hâm rngot ngăn ngên, Mâu mâp chiăm nau ueh maak.

Ndrom Samƀŭt bơh Yôp 7:11

Yor ri, gâp mâu mra mêm mbung; Tâm nau rngot rvê bơh huêng, gâp mra ngơi; Tâm nau rêh ni bơh huêng, gâp mra vơh vơl.

Ndrom Samƀŭt bơh Yôp 9:18

Păng mâu ăn ma gâp năn nsôr n'hâm, Ƀiălah nkrâm gâp tâm nau rngot hâu ngăn ngên.

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Hôr 15:13

Nuih n'hâm răm rhơn ƀư ăn măt hâk răm, Ƀiălah nuih n'hâm rngot ƀư ăn nau mĭn hươi rdja.

Nau Hôr 18:14

Nuih n'hâm bơh du huê bunuyh tâm kơl bunuyh nây nôk ji kuet, Ƀiălah Nuih n'hâm lĕ rai roh pôri mbu nơm dơi dâk đŏng?

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Yôhan 12:27

Huêng Gâp aƀaơ geh nau uh ah ngăn. Mâm Gâp mra lah? ‘Ơ Mbơ̆, mông aơ dăn may rklaih Gâp! Ƀiălah yor tâm mông aơ Gâp hŏ văch.

Yôhan 14:18

Gâp mâu chalơi khân may jêng kon đơi ôh, Gâp mra plơ̆ đŏng ma khân may.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Philip 4:7

Nau đăp mpăn Brah Ndu, rlau lơn ma lĕ rngôch nau blau mĭn, mra mât mray nuih n'hâm jêh ri nau mĭn khân may tâm Brah Yêsu Krist.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”

I Samuel 1:10

Nuih n'hâm H'Anna rngot, păng kuăl mbơh sơm ma Brah Yêhôva ma nau nhĭm rngot.

I Samuel 1:15

H'Anna plơ̆ lah: “Hơi kôranh gâp, mâu di pônây! Gâp jêng du huê bu ur geh nau rngot rvê êng tâm nuih n'hâm. Gâp mâu geh nhêt ndrănh ôh mâu lah nhêt lĕ ntil ndơ ƀư nhŭl, ƀiălah gâp tâm mpơl lĕ nuih n'hâm gâp tanăp măt Brah Yêhôva.