Nau Hôr 13:7 - Nau Brah Ndu Ngơi 2023

⁷ Geh bunuyh ƀư n'hi ndrŏng ƀiălah mâu geh ôh; Geh đŏng bunuyh ƀư n'hi nâm bu o ach ƀiălah geh âk drăp ndơ.

Nau Hôr 13:7 ပူးပေါင်းရင်းမြစ်များ

Nau Hôr 11:24

Geh bunuyh pă ăn bu drăp ndơ păng nơm, lơ ntop geh âk lơn đŏng; Geh đŏng bunuyh mbeh krêp ir, ƀiălah knŏng geh nau pưt kƀah.

Nau Hôr 12:9

Ueh lơn jêng du huê bunuyh hêt rhôi, dơi geh oh mon Rlau lơn đah nơm n'hi êng nơm jêng toyh ƀiălah pưt ndơ sa.

Nau Hôr 13:11

Drăp ndơ tă bơh nau kue mra roh mbrơi, Ƀiălah mbu nơm blau ti bun prăp drăp ndơ mra ntop lơ âk.

Nau Hôr 13:8

Rnoh tâm chuai nau rêh du huê bunuyh jêng drăp ndơ bơh nơm nây, Ƀiălah bunuyh o ach mâu ŭch iăt ôh nau nkrit nhhu.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

Luka 12:21

Mbu nơm prăp bun drăp ndơ ma păng nơm ƀiălah mâu jêng ndrŏng tâm Brah Ndu tâm ban pônây đŏng.”

Luka 12:33

Tăch hom drăp ndơ khân may geh gay ƀư nau yô̆. Joi hom dŭng prăk mâu djơh mâu mŭnh jêh ri jay ndơ khlay mâu hŭch ta klơ trôk, ntŭk bunuyh ntŭng mâu dơi tât, nchiăr mbon mâu ƀư rai păng ôh.

I Kôrintô 4:8

Khân may hơm tŏng jêh! Khân may ndrŏng ngăn jêh! Khân may ƀư hađăch jêh ri mâu ŭch hên. Ndă ma khân may ƀư hađăch gay ma hên dơi chiă uănh ndrel ma khân may!

II Kôrintô 4:7

Ƀiălah hên prăp drăp ndơ khlay aơ tâm lĕ yăng neh, gay ma tâm mpơl nau brah dŭt prêh nây văch tă bơh Brah Ndu, mâu di tă bơh hên ôh.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

II Pêtrôs 2:19

Khân păng ton djôt leo nau kon me tât ma bunuyh êng, ƀiălah khân păng nơm ƀư dĭk ma nau djơh mhĭk; yorlah moh ntil dơi lơh du huê bunuyh pôri bunuyh nây plơ̆ jêng dĭk ma ntil nây.

Nau Tâm Mpơl 2:9

‘Gâp gĭt năl nau rêh ni jêh ri nau o ach may, ƀiălah may jêng ndrŏng ngăn! Gâp gĭt lĕ nau nchơt bơh phung kơp êng săk khân păng nơm jêng phung Yuđa, ƀiălah nanê̆ mâu di, ƀiălah khân păng jêng phung ngih rƀŭn Satan.

Nau Tâm Mpơl 3:17

May lah: ‘Gâp ndrŏng, gâp geh âk drăp ndơ, gâp mâu pưt ndơ ôh.’ Ƀiălah may mâu gĭt ma may nơm geh nau rêh ni, yô̆ nđach ngăn, o ach, chieh măt jêh ri rhôk.