Nau Hôr 13:5 - Nau Brah Ndu Ngơi 2023

⁵ Bunuyh sŏng srăng tâm rmot ma nau ngơi mƀruh, Bunuyh djơh mhĭk di ma bu tâm rmot jêh ri bêk prêng.

Nau Hôr 13:5 ပူးပေါင်းရင်းမြစ်များ

Nau Mprơ Ơm 119:163

Gâp tâm rmot jêh ri tâm rmot ngăn ma nau mƀruh, Ƀiălah gâp rŏng ma nau vay May.

Nau Hôr 13:4

Nuih n'hâm bunuyh ƀlao geh nau kơnh ƀiălah mâu geh ôh ndơ, Bi ma huêng phung bunuyh gơih mra dơi geh ăp ntil ndơ.

Nau Hôr 18:3

Lah phung djơh mhĭk tât, nau mưch rmot tât tâm ban đŏng, Jêh ri nau prêng ndrel nau djơh mhĭk tâm ban lĕ.

Nau Hôr 3:35

Bunuyh blau mĭn mra dơi dơn nau chrêk rmah, Bi phung rluk n'hao êng păng nơm mra geh nau bêk prêng.

Nau Hôr 30:8

Dăn ăn nau mhĭk jêh ri nau mƀruh du ngai đah gâp; Lơi ăn gâp o ach mâu lah kuăng ndrŏng, Dăn ăn gâp ndơ sông sa tŏng ma dŏng;

Nau Hôr 6:17

Măt sưr rlau, mpiăt nchơt, Ti ƀư pling mham bunuyh mâu geh nau tih,

Nơm Nti 3:8

Geh năng rŏng, geh năng rmot; Geh năng tâm lơh, geh năng đăp mpăn.

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Êsêkiêl 36:31

Rnôk nây, khân may kah gĭt tay trong mhĭk jêh ri nau kan mâu ueh khân may nơm. Khân may tâm rmot êng khân may nơm yor nau tih jêh ri nau ƀơ̆ khân may.’

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Sakari 11:8

Knŏng tâm du khay, Gâp hŏ mprơh jêh pe nuyh rmăk biăp, yorlah Gâp mâu hôm dơi nsrôih đah khân păng đŏng ôh, jêh ri khân păng tâm rmot ma Gâp tâm ban lĕ.

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Kôlôh 3:9

Lơi ngơi mƀruh ndrăng khân may nơm yorlah mƀăr lơi jêh bunuyh ơm ndrel ma lĕ nau kan păng

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Phung Kôranh Phat Dôih 16:11

Păng plơ̆ lah: “Tơlah bu chăp gâp ma rse ndrăn mhe, ê hŏ geh bu dŏng ôh, nôk nây gâp mra jêng huơi nâm bu bunuyh êng.”