Nau Hôr 13:3 - Nau Brah Ndu Ngơi 2023

³ Mbu nơm blau njrăng bâr mbung dơi mât nau rêh păng nơm, Ƀiălah nơm nđar huy ir mbung n'ho geh nau rai yot.

Nau Hôr 13:3 ပူးပေါင်းရင်းမြစ်များ

Nau Mprơ Ơm 141:3

Ơ Brah Yêhôva, dăn mât mơh trôm mbung gâp Jêh ri njrăng ma trô yoi gâp, tơlah păng hă.

Nau Mprơ Ơm 34:13

Njrăng hom mpiăt may bơh nau mhĭk, Jêh ri trôm mbung may bơh ngơi nau ndơm.

Nau Mprơ Ơm 39:1

Gâp lah pô aơ: “Gâp mra prăp lĕ trong gâp, Gay prăp mpiăt gâp mâu ƀư tih: Tơlah dôl phung mhĭk gŭ tanăp gâp, Gâp mra mêm lơi trôm mbung gâp.

Nau Hôr 10:14

Phung blau mĭn prăp nkrem nau blau mĭn âk, Mbung phung rluk djôt nau ƀư rai văch dăch.

Nau Hôr 10:19

Mbu âk ngơi, nơih ngăn geh nau tih; Ƀiălah mbu nơm blau njrăng bâr mbung jêng nau blau mĭn.

Nau Hôr 10:8

Nuih n'hâm blau mĭn mra sŏk dơn nau vay ntăm, Ƀiălah bâr mbung nơm rluk mra rai lôch.

Nau Hôr 12:13

Phung ƀai geh dăk yor nau tih bâr mbung, Bi ma phung sŏng srăng klaih bơh nau rêh ni.

Nau Hôr 13:4

Nuih n'hâm bunuyh ƀlao geh nau kơnh ƀiălah mâu geh ôh ndơ, Bi ma huêng phung bunuyh gơih mra dơi geh ăp ntil ndơ.

Nau Hôr 14:3

Tâm mbung bunuyh rluk geh mâng rpăt prăp ma nau păng sưr, Ƀiălah bâr mbung bunuyh blau mĭn king n'gang păng.

Nau Hôr 18:21

Rêh khĭt yor tă nau dơi bơh mpiăt, Mbu nơm rŏng păng mra sa kao play păng.

Nau Hôr 18:7

Mbung bunuyh rluk ƀư roh săk păng nơm, Bâr păng jêng dăk sân ma huêng păng nơm.

Nau Hôr 20:19

Mbu nơm nkoch bri njĭp vay rhi mpơl ro nau dŭt ndâp; Lơi may tâm rnglăp ôh ndrel ma phung vay ngơi âk ir.

Nau Hôr 21:23

Mbu nơm mât mbung mpiăt păng Jêng mât huêng păng nơm klaih bơh nau rêh ni.

Yakơ 1:26

Tơlah mbu moh mĭn păng nơm jêng bunuyh dơn nau chroh, mâu njrăng mpiăt păng nơm, ƀiălah ndơm êng nuih n'hâm păng nơm, pôri dơn nau chroh bunuyh nĕ jêng dơm dam.

Phung Kôranh Phat Dôih 16:11

Păng plơ̆ lah: “Tơlah bu chăp gâp ma rse ndrăn mhe, ê hŏ geh bu dŏng ôh, nôk nây gâp mra jêng huơi nâm bu bunuyh êng.”

Phung Kôranh Phat Dôih 16:17

Yor ri, păng nkoch lĕ ma bu ur nây gĭt. Păng lah: “Pêh hơr mâu mâp poih ôh sŏk ta klơ bôk gâp; yorlah gâp jêng du huê Nasirit prăp mra Brah Ndu ntơm bơh ndŭl me gâp. Tơlah jêh bu poih sŏk gâp, nôk nây nau ktang gâp mra luh du, gâp mra jêng huơi jêh ri jêng nâm bu bunuyh êng.”