Nau Hôr 13:20 - Nau Brah Ndu Ngơi 2023

²⁰ Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Nau Hôr 13:20 ပူးပေါင်းရင်းမြစ်များ

Nau Ntơm 14:12

Khân păng nhŭp đŏng Y-Lot, mon Y-abram, dôl gŭ ta Sôdôm, djôt leo nđâp ma drăp ndơ păng.

I Phung Hađăch 12:10

Phung mom ndăm hao toyh du rơh ndrel ma păng lah: “Phung ƀon lan aơ hŏ dăn jêh ma may pô aơ: ‘Mbơ̆ may hŏ n'gân ta klơ hên mâng mbăk jâk ngăn, dăn ma may n'hŭch ăn n'gơch mâng mbăk ma hên.’ Pônây, dăn may plơ̆ lah ma khân păng kơt aơ: ‘Nglau ti kon gâp toyh lơn ndŭl mbơ̆ gâp.

I Phung Hađăch 12:8

Ƀiălah Y-Rôbôam mâu tông nau phung kôranh bu ranh nchră đah păng, ƀiălah păng ôp tay nau mĭn đah phung mom ndăm văch ma toyh du rơh ndrel ma păng jêh ri dôl pah kan tanăp păng.

I Phung Hađăch 22:32

Yor ri, tơlah phung kôranh tahan ƀĭt ndeh seh saơ Y-Jôsaphat jêh ri lah pô aơ: “Nanê̆ ngăn jêng hađăch Israel ro aơ.” Yor ri, khân păng plơ̆ ro hăn lơh păng, ƀiălah Y-Jôsaphat nter huy.

I Phung Hađăch 22:4

Jêh nây hađăch lah ma Y-Jôsaphat: “May ŭch hăn ndrel ma gâp gay tâm lơh ƀon Ramôt-Gilêat?” Y-Jôsaphat lah ma hađăch Israel: “Gâp nâm bu may, phung ƀon lan gâp nâm bu phung ƀon lan may, jêh ri seh tâm lơh gâp jêng nâm bu seh tâm lơh may.”

II Nau Rêh Jêng 10:8

Ƀiălah Y-Rôbôam dun nau mĭn phung kôranh bu ranh hŏ lah, jêh ri păng ôp tay nau mĭn đah phung mom ndăm jêng phung văch ma toyh du rơh ndrel ma hađăch jêh ri dôl pah kan tanăp hađăch.

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

II Nau Rêh Jêng 22:4

Păng ƀư nau mhĭk tanăp măt Brah Yêhôva, nâm bu ngih Y-Ahap hŏ ƀư jêh. Yorlah jêh mbơ̆ păng khĭt jêh, phung ngih Y-Ahap jêng phung ƀư nau ndơm ma păng tât nau rai lôch.

Nau Mprơ Ơm 119:63

Gâp jêng mĭt jiăng ma lĕ rngôch phung klach yơk mbah ma May, Jêh ri ma phung tĭng ndô̆ lĕ nau May ntăm.

Nau Hôr 13:19

Nau gay ŭch dơi jêng ƀư ăn huêng rdơ̆ rbăn, Chalơi nau mhĭk jêng nau phung rluk tâm rmot.

Nau Hôr 14:7

Der ngai hom bơh bunuyh rluk, Yorlah may mâu hŏ nti ôh nau blau mĭn bơh bâr mbung păng.

Nau Hôr 15:31

Mbu nơm rkêng tôr iăt nau nduyh nkra nau rêh. Mra dơi gŭ ta nklang bunuyh blau mĭn.

Nau Hôr 22:24

Lơi jan mĭt jiăng ndrel bunuyh vay ji nuih, Ăt lơi hăn ndrel ma phung djơh janh,

Nau Hôr 22:25

Klach lah may nti tĭng ndô̆ trong păng, Jêh ri huêng may mra geh dăk bu sân.

Nau Hôr 7:27

Ngih bu ur nây jêng trong lăp tâm ƀon phung khĭt, Njŭr leo tâm jrô nau khĭt.

Nau Hôr 9:6

Chalơi hom nau rluk mra dơi rêh, Jêh ri chuat hom tĭng trong nau gĭt rbăng.”

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Kôranh Oh Mon 2:42

Phung chroh nsrôih djôt prăp nau phung kôranh oh mon nti, nau tâm rnglăp ndrăng oh nâu, rƀŭn nkê̆ch piăng let, jêh ri nau mbơh sơm.

ហេឞ្រើ 10:24

Ăn he mĭn rvê tâm n'hao nuih ndrăng he nơm ma nau rŏng jêh ri lĕ nau kan ueh.

Nau Tâm Mpơl 18:4

Jêh nây gâp tăng du bâr êng tă bơh trôk, lah pô aơ: “Hơi phung ƀon lan Gâp, luh hom bơh ƀon Babilôn! Klach lah khân may hăn lăp nau tih ndrel ma păng, Jêh ri khân may dơn nau rêh ni ndrel ma păng: