Nau Hôr 13:16 - Nau Brah Ndu Ngơi 2023

¹⁶ Lĕ rngôch bunuyh geh nau blau njrăng pah kan ma nau blau mĭn, Ƀiălah bunuyh rluk mâl tâm mpơl nau rluk păng.

Nau Hôr 13:16 ပူးပေါင်းရင်းမြစ်များ

Nau Mprơ Ơm 112:5

Ueh maak yơh ma nơm geh nuih n'hâm lŏng, ăn bu chan Jêh ri ƀĭt gai lĕ nau kan tâm nau sŏng.

Nau Hôr 14:33

Nau blau mĭn prăp tâm nuih n'hâm bunuyh gĭt rbăng, Bi ntil nau tâm trôm bunuyh rluk dơi mpơl.

Nau Hôr 15:2

Mpiăt phung blau mĭn ngơi nau gĭt rbăng, Ƀiălah mbung phung rluk knŏng luh nau brŭt moih.

Nau Hôr 18:2

Bunuyh rluk mâu ŭch ôh ma nau gĭt rbăng, Ƀiălah knŏng ŭch mbơh nau păng nơm mĭn.

Nau Hôr 21:24

“Mưch” jêng ntơ phung n'hao êng nơm, nau sưr, Păng gŭ ngao ma nau mƀruh tĭng nau mơng sưr rlau păng.

Nơm Nti 10:13

Ntơm saơm păng ngơi đah nau brŭt ndrăng, Jêh ri nglĕ dŭt đah nau ngơi djơh mhĭk brŭt ndrăng.

Nơm Nti 10:3

Nđâp tơlah hăn ta trong, phung rluk pưt nau gĭt mĭn, Jêh ri ngơi ăn ăp bunuyh pô aơ păng jêng nuyh rluk.

Êsai 52:13

Aơ, oh mon Gâp mra pah kan ma nau blau mĭn, Mra bu yơk, dơi tâm rnê, dơi geh nau mât ton, Jêh ri n'hao dŭt prêh.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

Êphêsô 5:17

Yor nây, lơi plơ̆ jêng nâm bu phung rluk mâl ôh, ƀiălah ăn khân may gĭt vât ra vah moh nau mĭn Kôranh Brah ŭch.

I Samuel 25:17

Pôri aƀaơ, ăn ay gĭt mra ƀư moh nau, yorlah bu lĕ dăp nal jêh mra nkhŭt nau mhĭk ma kôranh hên jêh ri ma lĕ ngih vâl păng. Kôranh janh ƀai ngăn, mâu iăt nau ngơi bu ôh.”

I Samuel 25:25

Dăn kôranh lơi rkêng tôr tât ta bunuyh janh ƀai nây jêng Y-Nabal, yorlah amoh săk păng tâm di ma păng nơm, jêh ri tâm păng geh nau brŭt rluk. Bi gâp, jêng oh mon bu ur may, mâu tâm mâp đah phung bu klâu kôranh hŏ prơh hăn jêh.