Nau Hôr 13:15 - Nau Brah Ndu Ngơi 2023

¹⁵ Nau gĭt rbăng ngăn dơi dơn nau yô̆, Ƀiălah trong phung blau plĕch bêng nau rêh ni.

Nau Hôr 13:15 ပူးပေါင်းရင်းမြစ်များ

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Hôr 14:35

Hađăch prăp nau yô̆ ăn ma oh mon gŭ ngao blau mĭn, Ƀiălah păng mra ji nuih ma nơm ƀư nau bêk prêng.

Nau Hôr 15:10

Nau rmal dŭt jâk prăp ma phung chalơi trong sŏng, Bi ma phung rmot nau nduyh nkra mra khĭt.

Nau Hôr 3:4

Pôri tanăp măt Brah Ndu jêh ri kon bunuyh, May mra dơi joi nau ueh uĭn jêh ri nau blau mĭn ngăn.

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Luka 2:52

Brah Yêsu blau mĭn lơ hâu ntop, tâm săk jăn lơ hao toyh, lơ hô ƀư ueh nuih n'hâm Brah Ndu jêh ri bunuyh.

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.