Nau Hôr 13:13 - Nau Brah Ndu Ngơi 2023

¹³ Mbu nơm tâm rmot nau bu nti mra roh păng nơm, Bi ma nơm klach yơk nau vay ntăm nanê̆ mra geh nau nkhôm.

Nau Hôr 13:13 ပူးပေါင်းရင်းမြစ်များ

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Êsra 10:3

Pôri aƀaơ, he tâm rnglăp hom đah Brah Ndu he, mprơh lơi lĕ rngôch phung bu ur nây jêh ri phung kon sau khân păng, tĭng nâm nau nchră bơh kôranh gâp jêh ri bơh phung geh nuih n'hâm klach yơk nau vay ntăm bơh Brah Ndu he. He ƀư hom lĕ nau nây tĭng nau vay Kôranh Brah nti.

Nau Mprơ Ơm 115:13

Păng mra ăn nau ueh uĭn ma phung klach yơk ma Brah Yêhôva Phung jê̆ mâu lah phung toyh đŏng kơt nây.

Nau Mprơ Ơm 119:165

Phung rŏng ma nau vay May geh nau đăp mpăn ngăn; Mâu geh ndơ ƀư chêh prah khân păng ôh.

Nau Mprơ Ơm 19:11

Lĕ nau nây ntĭm nti ma oh mon Kôranh Brah; Mbu nơm djôt prăp păng mra geh nau nkhôm toyh.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Ngluh Êjipt 9:20

Tâm phung oh mon Pharaôn, mbu moh klach yơk ma nau Brah Yêhôva ngơi, păng mra nchuăn ro phung dĭk jêh ri mpô mpa sĭt ta ngih;

Nau Hôr 1:25

Ƀiălah khân may dun lơi lĕ rngôch nau gâp ntĭm nti, Mâu ŭch sŏk dơn ôh nau gâp nduyh;

Nau Hôr 13:12

Nau kâp gân njong tay ƀư ăn nuih n'hâm nđêh nji, Ƀiălah nau gay ŭch tât jêh jêng tơm si nau rêh.

Nau Hôr 13:21

Nau mhĭk tĭng groi phung geh nau tih, Bi nau ueh lăng jêng nau nkhôm ma bunuyh sŏng srăng.

Nau Hôr 16:20

Mbu nơm djôt ƀoi ntil nau chroh, dơi joi nau khlay, Jêh ri mbu nơm nsing ma Brah Yêhôva geh nau ueh maak ngăn!

Nau Hôr 19:16

Mbu nơm djôt prăp nau vay ntăm, mât mray huêng păng nơm, Ƀiălah mbu nơm mâu tông trong nau rêh păng mra khĭt.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 43:2

pôri Y-Asaria, kon bu klâu Y-Hôsaya, jêh ri Y-Jôhanan, kon bu klâu Y-Karêa, ndrel ma phung nklă êng, lah ma Y-Yêrêmi: “May ngơi mƀruh! Yêhôva Brah Ndu hên mâu prot prơh ôh păng ngơi đah hên: ‘Mâu dơi hăn tât ôh ma bri Êjipt ŭch gŭ ta nây.’

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Êsêkiêl 20:16

Yorlah khân păng dun jêh nau vay ƀư bơh Gâp, mâu tông nau vay dăp Gâp jêh ri ƀư ƀơ̆ jêh ma lĕ nar saƀat Gâp, yorlah nuih khân păng rle mpeh ma rup brah khân păng nơm.

Êsêkiêl 20:24

yorlah khân păng mâu tông ôh ma nau vay ƀư Gâp ƀiălah chalơi jêh nau vay dăp Gâp, ƀư ƀơ̆ lĕ nar Saƀat Gâp jêh ri măt khân păng treng uănh ma lĕ rup brah phung chô yau khân păng.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Nau Kơp Bunuyh 15:31

Yorlah păng tâm rmot ma nau Brah Yêhôva ngơi, ƀư tih nau vay Păng ntăm, pôri bu nsot lơi păng; nau tih păng mra nkhŭt ma păng nơm.’”

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”

Luka 16:31

Y-Abraham plơ̆ lah: ‘Tơlah khân păng mâu iăt nau Y-Môis ngơi jêh ri nau phung nơm mbơh lor ngơi, nđâp tơlah geh bunuyh khĭt dâk rêh tay, khăn păng mâu lĕ chroh.’ ”

II Yôhan 1:8

Njrăng hom, gay ma khân may mâu roh lĕ rngôch ndơ bơh kan khân may ƀư, ƀiălah dơn rĭng nau nkhôm.