Nau Hôr 13:11 - Nau Brah Ndu Ngơi 2023

¹¹ Drăp ndơ tă bơh nau kue mra roh mbrơi, Ƀiălah mbu nơm blau ti bun prăp drăp ndơ mra ntop lơ âk.

Nau Hôr 13:11 ပူးပေါင်းရင်းမြစ်များ

Ndrom Samƀŭt bơh Yôp 20:15

Păng rvăn drăp ndơ jêh nây mra luh hok, Brah Ndu mra ngluh drăp ndơ nây luh tă ndŭl păng.

Nau Mprơ Ơm 128:2

Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

Nau Hôr 10:2

Drăp ndơ nau ƀư djơh mâu jêng khlay ôh, Ƀiălah nau sŏng srăng tâm rklaih bunuyh bơh nau khĭt.

Nau Hôr 13:10

Nau sưr knŏng ăn tât nau tâm djrel, Bi nau blau mĭn gŭ ndrel bunuyh dơn iăt nau ntĭm nti.

Nau Hôr 13:12

Nau kâp gân njong tay ƀư ăn nuih n'hâm nđêh nji, Ƀiălah nau gay ŭch tât jêh jêng tơm si nau rêh.

Nau Hôr 20:21

Drăp ndơ dơi geh ngăch ndal nôk ntơm dak bôk Mâu mra dơi geh nau ueh uĭn ôh ta nglĕ dŭt.

Nau Hôr 21:6

Drăp ndơ geh tă nau ngơi mƀruh dĭng dơi geh Jêng nau dơm dam gơnh roh, jêng dăk sân phung joi nau khĭt.

Nau Hôr 28:20

Bunuyh răp jăp mra geh âk nau ueh lăng, Ƀiălah phung ndal ir ŭch ƀư ndrŏng mâu klaih ôh nau tâm rmal.

Nau Hôr 28:22

Bunuyh geh măt ndơm kơnh ndal ir nchuăt tĭng drăp ndơ, Mâu gĭt ôh nau pưt mâu tŏng mra tât kêng păng.

Nau Hôr 28:8

Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Nơm Nti 5:14

Yor roh yot tâm nau tăch drăp, Nơm nây roh lĕ drăp ndơ; Nơm nây dơi deh du huê kon bu klâu, Ƀiălah mâu hôm geh ndơ ăn tay ma păng.

Yêrêmi 17:11

Nơm ƀư ndrŏng mâu geh nau sŏng, Tâm ban ma sĭm tat-ta păn tăp sĭm êng mâu di păng nơm deh ôh; Tât n'gul nau rêh, drăp ndơ du lĕ, Jêh ri nglĕ dŭt nau rêh knŏng hôm jêng nơm rluk.