Nau Hôr 12:8 - Nau Brah Ndu Ngơi 2023

⁸ Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Nau Hôr 12:8 ပူးပေါင်းရင်းမြစ်များ

Nau Ntơm 41:39

Pharaôn lah ma Y-Yôsep: “Yorlah Brah Ndu tâm mpơl jêh ma may gĭt lĕ nau aơ, mâu geh ôh du huê blau mĭn săr lah nâm bu may.

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Hôr 1:26

Yor ri gâp mra gơm nôk khân may mâp nau mhĭk, Jêh ri gâp mra mưch dôl khân may krit klach;

Nau Hôr 12:7

Bu lơh rlâm lơi phung ƀai, khân păng mâu hôm ôh, Ƀiălah ngih phung sŏng srăng hôm gŭ nâp.

Nau Hôr 12:9

Ueh lơn jêng du huê bunuyh hêt rhôi, dơi geh oh mon Rlau lơn đah nơm n'hi êng nơm jêng toyh ƀiălah pưt ndơ sa.

Nau Hôr 29:27

Phung kue jêng nau tâm rmot đah bunuyh sŏng, Ƀiălah bunuyh rêh sŏng jêng tâm rmot ăn phung mhĭk.

Nau Hôr 3:35

Bunuyh blau mĭn mra dơi dơn nau chrêk rmah, Bi phung rluk n'hao êng păng nơm mra geh nau bêk prêng.

Nau Hôr 5:23

Păng mra khĭt yor mâu iăt nau ntĭm nti, Jêh ri nhhơt trong yor nau brŭt ndrăng ir.

Nơm Nti 8:1

Mbu dơi nâm bu nơm blau mĭn? Mbu dơi rblang lĕ nau tât tâm nau rêh? Nau blau mĭn ƀư ăn muh măt ang rah vah Jêh ri rgâl lơi muh măt janh.

Êsai 19:14

Brah Yêhôva hŏ ƀư lŭk rlăk ta nklang khân păng Du huêng brah ƀư vĭ, Păng ƀư ma Êjipt vĭ tâm lĕ nau kan, Nâm bu bunuyh nhŭl ndrănh ƀah hăn ndĭt ndĭu ƀă hok.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Luka 16:8

Kôranh păng tâm rnê ma bunuyh mât uănh ngih kue nây ƀư blau gĭt mĭn ngăn kơt nây. Yorlah phung kon rnôk aơ blau rlau lơn phung kon nau ang tâm nau gŭ ngao ma phung băl khân păng.

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 10:18

Yorlah mâu di n'hao êng ma păng nơm ôh dĭng bu dơn, ƀiălah jêng nơm Kôranh Brah n'hao.

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 18:30

Rnôk nây, phung kôranh Philistin du luh ŭch tâm lơh, jêh ri ăp tơ̆ khân păng luh du, Y-Đavit geh nau dơi lơn ma lĕ rngôch phung oh mon Y-Sôl, pônây ƀư ăn amoh păng lư n'găr hâu ngăn.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.

I Samuel 25:17

Pôri aƀaơ, ăn ay gĭt mra ƀư moh nau, yorlah bu lĕ dăp nal jêh mra nkhŭt nau mhĭk ma kôranh hên jêh ri ma lĕ ngih vâl păng. Kôranh janh ƀai ngăn, mâu iăt nau ngơi bu ôh.”