Nau Hôr 12:7 - Nau Brah Ndu Ngơi 2023

⁷ Bu lơh rlâm lơi phung ƀai, khân păng mâu hôm ôh, Ƀiălah ngih phung sŏng srăng hôm gŭ nâp.

Nau Hôr 12:7 ပူးပေါင်းရင်းမြစ်များ

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

Êsther 9:14

Hađăch ntrŭnh nau ntăm ăn bu ƀư nau nây, jêh ri bu ăn du nau ntrŭnh tâm ƀon Susa. Bu yông trô ko phung jât nuyh kon bu klâu Y-Haman.

Ndrom Samƀŭt bơh Yôp 11:20

Ƀiălah măt phung ƀai mra rgănh huơi; Joi trong du luh mâu saơ, Knŏng ŭch gơnh tăch n'hâm nglĕ dŭt.”

Ndrom Samƀŭt bơh Yôp 34:25

Yorlah Kôranh Brah gĭt lĕ kan khân păng ƀư, Bri măng, Păng lơh rlâm khân păng jêh ri khân păng roh rai.

Nau Mprơ Ơm 37:10

Hôm ƀât lât phung mhĭk mâu mra hôm. Nđâp tơlah may joi tât ntŭk păng, ăt mâu saơ păng ôh.

Nau Hôr 10:25

Lah phŭt sial chuănh lĕ lăn jêh, mâu hôm geh ôh phung ƀai, Ƀiălah mbon phung sŏng srăng gŭ nâp mro mrăng.

Nau Hôr 11:21

Nanê̆ phung ƀai mâu klaih ôh bơh nau tâm rmal, Ƀiălah noi deh phung sŏng srăng mra dơi rklaih.

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Nau Hôr 14:1

Bu ur blau mĭn ndâk ngih păng, Ƀiălah bu ur rluk sŏk ti phă lơi ngih păng.

Nau Hôr 14:11

Ngih phung djơh mhĭk bu mra ƀư rai, Ƀiălah vâl bok phung sŏng mra dơi geh jêng.

Nau Hôr 15:25

Brah Yêhôva ƀư rlâm lơi ngih phung sưr, Ƀiălah Păng king nâp n'har bri bu ur ndrô.