Nau Hôr 12:5 - Nau Brah Ndu Ngơi 2023

⁵ Nau mĭn phung sŏng srăng jêng di ngăn, Nau nchră bơh phung ƀai jêng nau ndơm da dê.

Nau Hôr 12:5 ပူးပေါင်းရင်းမြစ်များ

Nau Mprơ Ơm 119:15

Gâp mra gŭ mĭn ma nau vay May ntăm, Mĭn rvê ma trong May.

Nau Mprơ Ơm 139:23

Ơ Brah Ndu! Dăn sek uănh gâp jêh ri gĭt nuih n'hâm gâp; Rlong uănh gâp gay ma gĭt nau mĭn gâp;

Nau Hôr 11:23

Nau ji hir ma phung sŏng srăng mra dơi geh nau ueh, Bi nau kâp gân phung ƀai knŏng jêng nau ji nuih.

Nau Hôr 12:4

Ur geh nau ueh jêng nâm bu đon hađăch ăn ma sai păng, Bi ma ur ƀư nau bêk prêng ƀư ma sai nâm bu ôm rai tâm nting.

Nau Hôr 12:6

Nau ngơi phung ƀai rmoch ƀư pling mham, Ƀiălah mbung phung sŏng tâm rklaih bunuyh.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 24:9

Nau mĭn rluk jêng nau tih; Bunuyh mưch bu mra tâm rmot.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Yêrêmi 9:5

Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Mathay 26:4

jêh ri tâm nchră gay nhŭp jêh ri nkhĭt Brah Yêsu.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.