Nau Hôr 12:28 - Nau Brah Ndu Ngơi 2023

²⁸ Tâm trong sŏng srăng geh nau rêh, Chuat hăn tâm trong păng mâu geh nau khĭt.

Nau Hôr 12:28 ပူးပေါင်းရင်းမြစ်များ

Nau Hôr 10:16

Rnoh nkhôm ma bunuyh sŏng srăng njŭn leo ma nau rêh, Bi kao play bunuyh djơh mhĭk njŭn leo ma nau tih.

Nau Hôr 10:2

Drăp ndơ nau ƀư djơh mâu jêng khlay ôh, Ƀiălah nau sŏng srăng tâm rklaih bunuyh bơh nau khĭt.

Nau Hôr 11:19

Bunuyh gŭ nâp tâm nau sŏng srăng leo tât ma nau rêh, Bi nơm tĭng joi nau ƀai njŭn tât nau khĭt.

Nau Hôr 8:35

Yorlah mbu nơm dơi joi gâp dơi saơ nau rêh, Jêh ri dơi dơn nau yô̆ Brah Yêhôva.

Nau Hôr 9:11

Yor ma gâp, lĕ nar may rêh mra dơi ntop âk lơn, Jêh ri mra ntop năm may gŭ rêh.

Yêrêmi 21:8

May ngơi hom ma phung ƀon lan aơ: ‘Brah Yêhôva lah: Aơ, Gâp dơm tanăp măt khân may trong njŭn tât ma nau rêh jêh ri trong njŭn tât ma nau khĭt.

Êsêkiêl 18:9

chuat tĭng nau vay dăp Gâp, djôt prăp nau vay ƀư bơh Gâp jêh ri gŭ ngau tâm nau nanê̆ ngăn, bunuyh nây jêng sŏng srăng jêh ri n'hêl nanê̆ păng mra rêh, Kôranh Brah Yêhôva lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Nau Vay Nkah Tay 30:15

Uănh hom, nar aơ gâp dơm tanăp măt khân may nau rêh jêh ri nau ueh lăng, nau khĭt jêh ri nau mhĭk.

Nau Vay Nkah Tay 30:19

Nar aơ, gâp kuăl trôk jêh ri neh jêng nơm mbơh pô aơ gâp hŏ dơm jêh tanăp măt khân may nau rêh jêh ri nau khĭt, nau ueh lăng jêh ri nau rak rtăp. Pôri săch hom nau rêh, gay ma khân may jêh ri noi deh khân may dơi rêh.

Nau Vay Nkah Tay 32:46

Y-Môis ntĭnh ma khân păng: “Djôt prăp hom tâm nuih n'hâm lĕ rngôch nau ngơi gâp mbơh jêh ma khân may nar aơ, jêh ri ntuh tay ma phung kon sau khân may gay ma khân păng dơi njrăng tĭng kơt lĕ rngôch nau ngơi tâm nau vay aơ.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.

III Yôhan 1:11

Hơi nơm gâp rŏng, lơi kơt nau mhĭk ôh, ƀiălah kơt nau ueh. Mbu nơm ƀư nau ueh jêng bunuyh Brah Ndu; ƀiălah mbu nơm ƀư nau mhĭk, mâu mâp saơ Brah Ndu ôh.