Nau Hôr 12:24 - Nau Brah Ndu Ngơi 2023

²⁴ Ti bunuyh gơih mra djôt nau dơi chiă uănh, Bi ti bunuyh ƀlao mra pah kan jan dĭk.

Nau Hôr 12:24 ပူးပေါင်းရင်းမြစ်များ

Nau Ntơm 49:15

Păng saơ jêh ntŭk rlu ueh reh ngăn, Jêh ri bri dak dŭt ueh ngăn. Rĭ dĭng păng hŏ nkêng jêh săng nglik păng gay mbăk tay ndơ jâk, Jêh ri pah kan hŏt tâm ban bunuyh dĭk bu.

I Phung Hađăch 11:28

Nôk nây, Y-Jêrôbôam jêng du huê ngăch prăl jêh ri geh nau dơi. Y-Salômôn saơ păng hôm ndăm jêh ri geh blau rĭ dĭng dơm păng jêng kôranh ma lĕ rngôch nau pah kan jâk ngih Yôsep.

I Phung Hađăch 12:20

Tơlah tăng lư Y-Jêrôbôam plơ̆ sĭt jêh, phung ƀon lan Israel rgum nau tâm rƀŭn toyh, jêh ri prơh bunuyh hăn jă păng tât gay njêng păng ƀư hađăch chiă uănh lĕ rngôch phung Israel. Bu mâu tĭng ngih Y-Đavit ôh, knŏng ndŭl mpôl Yuđa.

I Phung Hađăch 9:21

jêng phung kon sau khân păng hôm e gŭ tâm n'gor, phung ƀon lan Israel mâu dơi ƀư rai lĕ ôh, pôri Y-Salômôn nhŭp khân păng pah kan jâk tât nar aơ.

Nau Hôr 10:4

Mpang ti ƀlao ƀư ăn nau o ach, Bi mpang ti gơih păng mra ƀư ndrŏng.

Nau Hôr 12:27

Bunuyh ƀlao mâu gŭch ôh puăch păng hŏ nchron geh jêh, Ƀiălah bunuyh gơih dơi geh drăp ndơ khlay.

Nau Hôr 13:4

Nuih n'hâm bunuyh ƀlao geh nau kơnh ƀiălah mâu geh ôh ndơ, Bi ma huêng phung bunuyh gơih mra dơi geh ăp ntil ndơ.

Nau Hôr 17:2

Du huê dĭk bu nau blau mĭn mra chiă uănh du huê kon kôranh mâu iăt nau, Jêh ri dơi dơn drăp ndơn ndrel ma phung oh nâu tâm ngih.

Nau Hôr 19:15

Nau ƀlao ƀư ăn khân păng lêt bê̆ch, Jêh ri nơm sa gŭ dơm mâu pah kan mra ji ngot ji hir.

Nau Hôr 22:13

Bunuyh ƀlao lah: “Geh yau mŭr gŭ padih ri! Gâp mra khĭt ta nklang trong!”

Nau Hôr 22:29

May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Phung Kôranh Phat Dôih 1:28

Tơlah phung ƀon lan Israel jêng janh ktang lơn, khân păng phak phung Kanaan pah kan ƀiălah mâu geh mprơh lĕ khân păng ôh.