Nau Hôr 12:18 - Nau Brah Ndu Ngơi 2023

¹⁸ Nau ngơi mâu njrăng ôh jêng nâm bu ntâp ma đao, Ƀiălah mpiăt phung blau mĭn jêng djôt nau blau ƀư bah.

Nau Hôr 12:18 ပူးပေါင်းရင်းမြစ်များ

Nau Mprơ Ơm 52:2

May nchră ŭch ma nau ƀư rai. Mpiăt may tâm ban ma pêh poih hơr, Mbơh huy lĕ nau ndơm bu.

Nau Mprơ Ơm 57:4

Huêng gâp gŭ tâm nklang phung yau mŭr; Bê̆ch tâm nklang phung mpa bri sa puăch nuyh. Geh sêk tâm ban ma chiông tak, hăr Jêh ri mpiăt khân păng hơr tâm ban ma du mlâm đao.

Nau Mprơ Ơm 57:5

Ơ Brah Ndu, ăn May geh nau yơk prêh lĕ ndâr trôk; Ăn nau chrêk rmah May geh nau ang lam tâm neh ntu!

Nau Mprơ Ơm 59:7

Ri mbung khân păng hok luh nau suai rak; Mbung khân păng tâm ban ma du mlâm đao. Yorlah khân păng lah êng: “Mâu geh bu tăng ôh?”

Nau Mprơ Ơm 64:3

Khân păng tôl mpiăt khân păng nơm nâm bu đao. Bruh nau kăch mhĭk ji tâm ban ma lĕ chiông hăr.

Nau Hôr 12:17

Nơm mbơh nau ngăn ngơi nau sŏng srăng, Bi bunuyh mbơh mƀruh knŏng nkoch bri nau ndơm.

Nau Hôr 13:17

Phung mbơh nkoch nau mhĭk tŭp tâm nau mhĭk uh ah, Bi phung mbơh răp jăp leo nau ƀư bah.

Nau Hôr 15:4

Mpiăt rdơ̆ rbăn jêng nâm bu tơm si nau rêh, Ƀiălah mpiăt kue ăn chah nuih n'hâm.

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nau Hôr 16:24

Nau ngơi ueh jêng nâm bu mpơng sŭt, Kah njŭng ăn ma huêng jêh ri nau dăng ktang ma săk jăn.

Nau Hôr 25:18

Nơm ngơi nchơt tâm rdâng đah phung chiau meng păng Nâm bu du mlâm me nôp, du mlâm đao, chiông hăr mplanh.

Nau Hôr 4:22

Yorlah nau nây jêng nau rêh ma mbu nơm dơi joi păng, Jêng nau dăng ktang ma lĕ săk jăn khân păng.

Daniel 11:33

Lĕ phung gĭt blau tâm phung ƀon lan mra ntĭm nti âk bunuyh, nđâp lah tâm du năng ƀât lât, khân păng mra chôt prah yor ma đao jêh ri yor ŭnh hit, yor nau jêng bu nă jêh ri ma nau mra pit in.

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 22:2

hoch ta nklang trong ƀon nây. Bar đah kơh dak krong geh tơm si nau rêh geh play jât ma bar yan, ăp khay geh play du tơ̆; jêh ri n'ha si nây prăp ma ƀư bah phung mpôl băl bunuyh.