Nau Hôr 12:10 - Nau Brah Ndu Ngơi 2023

¹⁰ Bunuyh sŏng srăng mât mray ăn nau rêh mpô mpa păng rŏng, Ƀiălah nuih n'hâm yô̆ bơh phung mhĭk jêng nau djơh janh.

Nau Hôr 12:10 ပူးပေါင်းရင်းမြစ်များ

Nau Hôr 12:9

Ueh lơn jêng du huê bunuyh hêt rhôi, dơi geh oh mon Rlau lơn đah nơm n'hi êng nơm jêng toyh ƀiălah pưt ndơ sa.

Êsai 36:17

kŏ tât gâp văch jêh ri njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh mhe, du bri geh piăng let jêh ri đang krăk ƀâu.

Yôhan 4:11

Bu ur nây lah: “Hơi Kôranh, may mâu geh ndơ gay bâk, ntu dak aơ jru ngăn, pôri ntŭk tă may geh dak rêh nây?

I Kôrintô 9:9

Yorlah nau vay Y-Môis geh nau nchih jêh: “Lơi put mbung ndrôk dôl jot ba.” Di lĕ Brah Ndu mĭn rvê ma ndrôk?

Nau Vay Nkah Tay 25:4

Lơi ta put ôh mbung ndrôk dôl jot ba.

I Yôhan 3:17

Tơlah mbu nơm geh drăp ndơ tâm rnôk aơ, saơ oh nâu păng nơm gŭ tâm nau pưt kƀah ƀiălah mâu geh nuih n'hâm rŏng, mâm ƀư nau Brah Ndu rŏng dơi gŭ tâm bunuyh nây?

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.

I Samuel 11:2

Y-Nahas, bunuyh Ammôn, lah ma khân păng: “Gâp mra ƀư nau tâm rnglăp ma khân may tĭng nau aơ: Rloch lơi măt pa ma lĕ rngôch phung khân may, gay ƀư bêk prêng lĕ rngôch phung Israel.”