Nau Hôr 11:4 - Nau Brah Ndu Ngơi 2023

⁴ Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Nau Hôr 11:4 ပူးပေါင်းရင်းမြစ်များ

Nau Ntơm 7:1

Brah Yêhôva lah ma Y-Nôê: “May jêh ri lĕ rnăk may lăp hom tâm kumpăn, yorlah tâm rô̆ aơ Gâp saơ may jêng du huê bunuyh sŏng srăng tanăp măt Gâp.

Ndrom Samƀŭt bơh Yôp 20:28

Drăp ndơ rnăk vâl păng bu mra sŏk pit lĕ, Mra nchuăn rdu ndơ nây ta nar Kôranh Brah ji nuih.

Nau Hôr 10:2

Drăp ndơ nau ƀư djơh mâu jêng khlay ôh, Ƀiălah nau sŏng srăng tâm rklaih bunuyh bơh nau khĭt.

Nau Hôr 12:28

Tâm trong sŏng srăng geh nau rêh, Chuat hăn tâm trong păng mâu geh nau khĭt.

Nau Hôr 6:34

Yorlah sai mra ntôn ji nuih hâu ngăn, Nôk plơng har mâu hôm geh djê̆ ro nau yô̆.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsêkiêl 14:14

nđâp lah tâm bri nây geh pe nuyh aơ jêng Y-Nôê, Y-Daniel jêh ri Y-Yôp, khân păng dơi tâm rklaih knŏng huêng khân păng nơm yor nau sŏng srăng khân păng, Brah Yêhôva lah pônây.

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

Samƀŭt Pôl Njuăl Ăn Ma Phung Nsing Ta Ƀon Rôm 5:17

Tơlah yor nau tih du huê bunuyh, jêh ri bơh bunuyh nây nau khĭt chiă uănh jêh tâm ban lĕ, ăt knŏng yor du huê bunuyh jêng Brah Yêsu Krist, gay ma phung bunuyh dơn rmeh ler nau yô̆ jêh ri ndơ ăn tâm nau sŏng srăng, mra lơ hô chiă uănh tâm nau rêh tâm ban lĕ.

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.