Nau Hôr 11:30 - Nau Brah Ndu Ngơi 2023

³⁰ Play bơh bunuyh sŏng srăng jêng tơm si nau rêh, Bunuyh blau mĭn dơi njŭn leo âk huêng bu.

Nau Hôr 11:30 ပူးပေါင်းရင်းမြစ်များ

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Nau Hôr 12:12

Phung mhĭk hưp ma drăp ndơ geh tă bơh ndơ pit in, Ƀiălah tơm reh phung sŏng srăng mra geh kao play.

Nau Hôr 14:25

Nơm mbơh nau nanê̆ ngăn tâm rklaih âk nau rêh, Ƀiălah bunuyh ngơi mƀruh knŏng jêng nau ndơm.

Nau Hôr 15:4

Mpiăt rdơ̆ rbăn jêng nâm bu tơm si nau rêh, Ƀiălah mpiăt kue ăn chah nuih n'hâm.

Nau Hôr 3:18

Nau blau mĭn jêng tơm si nau rêh ăn ma mbu nơm djôt kuăn păng; Mbu nơm djôt prăp păng dơi geh nau ueh lăng da dê.

Daniel 12:3

Phung gĭt rbăng mra nchrat nâm bu nau ang ta klơ trôk; jêh ri phung njŭn leo âk bunuyh tât ma nau sŏng srăng mra nchrat ang nâm bu phung mănh ƀaƀơ n'ho ro.

Mathay 4:19

Brah Yêsu lah khân păng: “Tĭng hom Gâp, Gâp mra ƀư ăn khân may plơ̆ jêng nơm seng jal bunuyh.”

Yôhan 4:36

Bunuyh rek dơn prăk nkhôm jêh ri prăp nkrem kao play ma nau rêh n'ho ro, pôri bunuyh tuch n'hanh ma bunuyh rek răm maak ndrel.’

I Têsalônik 2:19

Yorlah nau kâp gân, nau răm maak, jêh ri đon hađăch khư tâm rnê ma hên tanăp Kôranh Brah he jêng Brah Yêsu, lah Păng plơ̆ văch moh nau, tơlah mâu di jêng khân may nơm?

Yakơ 5:20

ăn khân may gĭt, mbu nơm leo du huê bunuyh tih plơ̆ tay bơh trong vĭ nhhơt, jêng rklaih huêng bunuyh nĕ tă bơh nau khĭt jêh ri âk nau tih păng bu mra yô̆ an.

Nau Tâm Mpơl 2:7

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Ma mbu nơm mra dơi, Gâp mra ăn păng sa play bơh tơm si nau rêh tâm Parađi Brah Ndu.’ ”