Nau Hôr 11:28 - Nau Brah Ndu Ngơi 2023

²⁸ Mbu nơm rnơm nsing ma drăp ndơ păng nơm mra rlâm tŭp, Bi ma bunuyh sŏng srăng mra geh jêng lơn nâm bu n'ha si ndrêh.

Nau Hôr 11:28 ပူးပေါင်းရင်းမြစ်များ

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 49:6

Khân păng rnơm nsing ma drăp ndơ khân păng nơm, Ntưih êng nơm geh drăp ndơ âk rmeh.

Nau Mprơ Ơm 62:10

Lơi ta rnơm ma nau tŭn jot, Mâu kâp gân ma nau dơm dam tâm nau ntŭng; Tơlah drăp ndơ ntop âk, lơi ăn nuih n'hâm khân may rnơm ta nây ôh.

Nau Hôr 10:15

Drăp ndơ jêng pôih nâp ngăn ma bunuyh ndrŏng kuăng, Nau ƀư rai jêng nau rêh ni ma phung o ach.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Yêrêmi 17:8

Bunuyh nây nâm bu tơm si tăm gŭ kơh dak n'hor, Hon reh tĭng n'hor dak hoch; Mâp trôk duh ăt mâu klach ôh N'ha ăt ndrêh ueh. Mâp năm prăng phang mâu đŏng rvê ir lĕ Ăt luh play mâu rlu ôh.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.