Nau Hôr 11:24 - Nau Brah Ndu Ngơi 2023

²⁴ Geh bunuyh pă ăn bu drăp ndơ păng nơm, lơ ntop geh âk lơn đŏng; Geh đŏng bunuyh mbeh krêp ir, ƀiălah knŏng geh nau pưt kƀah.

Nau Hôr 11:24 ပူးပေါင်းရင်းမြစ်များ

II Nau Rêh Jêng 31:10

Y-Asaria, kôranh ƀư brah toyh jêng noi deh Y-Sadôk, plơ̆ lah ma hađăch pô aơ: “Ntơm bơh nar phung ƀon lan djôt ndơ nhhơr tâm ngih Brah Yêhôva, mâu knŏng hên tŏng sông sa ƀiălah geh âk ndơ rmeh, yorlah Brah Yêhôva hŏ ăn jêh nau ueh uĭn ma ƀon lan Păng. Aơ jêng mbŭch hôm e rmeh.”

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Hôr 11:18

Bunuyh ƀư nau ƀai dơn rnoh nkhôm ma nau ndơm, Ƀiălah bunuyh srih nau sŏng srăng dơi geh nau nkhôm n'hêl nanê̆ ngăn.

Nau Hôr 11:23

Nau ji hir ma phung sŏng srăng mra dơi geh nau ueh, Bi nau kâp gân phung ƀai knŏng jêng nau ji nuih.

Nau Hôr 11:25

Bunuyh geh nuih n'hâm lŏng mra dơi geh nau ndrŏng, Mbu nơm ăn bu nhêt dak, păng nơm mra dơi geh dak nhêt.

Nau Hôr 13:7

Geh bunuyh ƀư n'hi ndrŏng ƀiălah mâu geh ôh; Geh đŏng bunuyh ƀư n'hi nâm bu o ach ƀiălah geh âk drăp ndơ.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nau Hôr 28:27

Mbu nơm ăn ma bunuyh o ach mâu mra pưt ôh, Bi ma nơm nhêp măt mâu gĭt yô̆ bu mra geh âk nau rak rtăp.

Nau Hôr 28:8

Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Nơm Nti 11:6

Ơm ôi, hăn hom srih ntil, Mhaơ tât lơi rlu ôh ti; Yorlah may mâu gĭt ôh moh rơh srih mra dơi jêng, Rơh srih kêng ôi mâu lah kêng mhaơ, Mâu lah lĕ bar hon ueh tâm ban da dê.

Ndrom Samƀŭt bơh Agê 1:6

Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’

Malachi 3:8

“Bu dơi sa ntŭng đŏng ndơ Brah Ndu? Ƀiălah khân may lĕ sa ntŭng jêh ndơ Gâp!” Ƀiălah khân may hŏ lah: “Hŏ geh hên sa ntŭng ndơ Kôranh Brah?” “Khân may hŏ ntŭng jêh tâm lĕ ndơ du kô̆ tâm jât jêh ri tâm lĕ ndơ ƀư brah nhhơr.

Luka 6:38

Ăn hom, khân may mra dơi ăn tay; bu mra sŏk thŭng toyh veh bêng, mpet jŭr, rgu kŏ tât nôk bêng ler, jêh nây nkhŭt tâm ntôr ao khân may; yorlah mâm nau khân may veh ma bu, pôri khân may mra dơn tay veh kơt nây.”

Nau Vay Nkah Tay 15:10

Ăn khân may geh nuih n'hâm kơl khân păng, lơi ta ƀư ôh nuih n'hâm jâk, yorlah bơh nau nây Yêhôva Brah Ndu khân may mra ăn nau ueh uĭn ma lĕ nau kan khân may pah jêh ri tâm lĕ rngôch nau ti khân may ƀư.