Nau Hôr 11:17 - Nau Brah Ndu Ngơi 2023

¹⁷ Bunuyh blau yô̆ ƀư ueh ma huêng păng nơm, Bi phung janh ƀai ƀư rai săk jăn.

Nau Hôr 11:17 ပူးပေါင်းရင်းမြစ်များ

Ndrom Samƀŭt bơh Yôp 20:16

Păng mra pu dak kăch bêh khu; Mpiăt bêh vǐt mra nkhĭt păng.

Nau Hôr 15:27

Bunuyh kơnh sa drăp tih ƀư uh ah ma ngih păng nơm, Bi nơm rmot ma drăp bu blŏl mra dơi geh nau rêh.

Nau Hôr 22:9

Bunuyh geh nau blau yô̆ mra geh nau ueh uĭn, Yorlah păng tâm pă ndơ sông sa păng nơm ăn ma phung o ach.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Êsai 57:1

Nơm sŏng srăng khĭt, Bu mâu klâng rvê; Bu nhŭp lơi bunuyh ueh, Ƀiălah mâu geh nơm gĭt rbăng pô aơ: Yor ma nau mhĭk dăch tât, Dĭng bu nhŭp rdu lơi nơm sŏng srăng;

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Mathay 5:7

Ueh maak ngăn ma phung geh nuih n'hâm yô̆ nđach, Yorlah mra dơn nau yô̆ nđach!

Luka 6:38

Ăn hom, khân may mra dơi ăn tay; bu mra sŏk thŭng toyh veh bêng, mpet jŭr, rgu kŏ tât nôk bêng ler, jêh nây nkhŭt tâm ntôr ao khân may; yorlah mâm nau khân may veh ma bu, pôri khân may mra dơn tay veh kơt nây.”

Philip 4:17

Nây mâu di gâp ŭch ndơ ăn ôh, ƀiălah gâp ŭch play kao ntop nau hao ma khân may.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.