Nau Hôr 11:12 - Nau Brah Ndu Ngơi 2023

¹² Mbu nơm mưch ma phung chiau meng păng jêng bunuyh mâu gĭt vât, Ƀiălah bunuyh geh nau gĭt rbăng gŭ rklăk.

Nau Hôr 11:12 ပူးပေါင်းရင်းမြစ်များ

II Phung Hađăch 18:36

Ƀiălah phung ƀon lan gŭ rklăk, mâu plơ̆ sĭt lah du play ngơi ôh, yorlah hađăch ntăm jêh: “Khân may lơi plơ̆ lah ma păng ôh.”

Nau Hôr 10:19

Mbu âk ngơi, nơih ngăn geh nau tih; Ƀiălah mbu nơm blau njrăng bâr mbung jêng nau blau mĭn.

Nau Hôr 11:11

Ma nau ueh uĭn phung sŏng, ƀon geh nau n'hao, Ƀiălah yor mbung phung djơh ngơi mhĭk, bu n'glưh lơi ƀon.

Nau Hôr 11:13

Nơm dăng nkoch bri mpơl lĕ nau ndâp, Bi ma bunuyh khư nau rnơm nsing prăp ndâp nau kan êng păng.

Nau Hôr 14:21

Mbu nơm tâm rmot ma phung chiau meng jêng tih, Bi ma nơm yô̆ nđach ma phung o ach geh nau ueh maak ngăn.

Nau Hôr 6:32

Ƀiălah bunuyh tâm lâm jêng nơm roh nau mĭn; Mbu nơm ƀư pônây, ƀư rai êng huêng păng nơm.

Luka 16:14

Phung Pharisi jêng phung rŏng ma prăk rêl tăng lĕ nau nây, ri mơ mưch rmot ma Brah Yêsu.

Luka 18:9

Brah Yêsu ngơi tay nau hôr aơ ma phung bunuyh mĭn khân păng nơm sŏng srăng ƀiălah mưch rmot ma bunuyh êng:

I Pêtrôs 2:23

Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

Phung Kôranh Phat Dôih 9:38

Y-Sêbul lah: “Trôm mbung may nơm lah: ‘Mbu moh Y-Abimêlek gay ma hên pah kan ma păng!’ Pônây, lĕ nau ngơi ntưih may aƀaơ ta ntŭk gŭ? Mâu di hĕ phung tahan aơ jêng phung may tâm rmot? Hăn luh hom tâm lơh đah khân păng!”

I Samuel 10:27

Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.