Nau Hôr 10:9 - Nau Brah Ndu Ngơi 2023

⁹ Bunuyh gŭ rêh sŏng mra geh nau đăp mpăn, Bi phung tĭng ndô̆ trong kue bu mra ƀư mpơl lĕ kan păng.

Nau Hôr 10:9 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Ndrom Samƀŭt bơh Yôp 8:20

Ri, Brah Ndu mâu chalơi ôh bunuyh răp jăp, Mâu lĕ tâm rnglăp ma bunuyh djơh mhĭk.

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 25:21

Ăn nau kloh ueh jêh ri nau sŏng king n'gang gâp, Yorlah gâp kâp gân Kôranh Brah.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Hôr 17:20

Phung geh nuih n'hâm blau plĕch mâu dơi ôh joi nau ueh lăng, Jêh ri mbu nơm geh mpiăt kue mra tŭp tâm nau mhĭk.

Nau Hôr 26:26

Nđâp lah nau tâm rmot dơi nkŭm kŭp tâm dâng nau ndơm, Nau djơh mhĭk păng mra mpơl tâm nklang phung tâm rƀŭn.

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Nau Hôr 28:18

Mbu nơm gŭ ngao ma nau sŏng mra dơi geh nau tâm rklaih, Bi ma nơm hăn tĭng trong kue mra tŭp ƀât lât.

Nau Hôr 3:23

May mra chuat hăn dơi nâp tâm trong may, Jêh ri jâng may mâu chêh prah.

Mathay 10:26

Pôri, khân may lơi klach ôh khân păng; yorlah mâu geh ôh moh ndơ pôn mo mâu mpơl; mâu geh ôh moh ndơ ndâp mâu ăn bu gĭt.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

I Timôthê 5:25

Nau ueh tâm ban lĕ: Geh kan mpơl ro, geh đŏng mâu mpơl, ƀiălah tât kăndơ̆ mâu đŏng pôn mo ƀaƀơ.