Nau Hôr 10:8 - Nau Brah Ndu Ngơi 2023

⁸ Nuih n'hâm blau mĭn mra sŏk dơn nau vay ntăm, Ƀiălah bâr mbung nơm rluk mra rai lôch.

Nau Hôr 10:8 ပူးပေါင်းရင်းမြစ်များ

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Hôr 1:5

Phung blau mĭn mra gŭ iăt jêh ri ntop nau gĭt blau lơn, Phung gĭt rbăng mra dơi joi nau bu ntĭm,

Nau Hôr 10:10

Mbu nơm ntơ̆ măt nau djơh ƀư nau rêh ni, Jêh ri bâr mbung rluk mra rai yot.

Nau Hôr 10:14

Phung blau mĭn prăp nkrem nau blau mĭn âk, Mbung phung rluk djôt nau ƀư rai văch dăch.

Nau Hôr 12:1

Mbu nơm rŏng nau nduyh nkra jêng rŏng ma nau gĭt rbăng, Mbu nơm tâm rmot nau nduyh lah jêng nơm rluk.

Nau Hôr 12:13

Phung ƀai geh dăk yor nau tih bâr mbung, Bi ma phung sŏng srăng klaih bơh nau rêh ni.

Nau Hôr 13:3

Mbu nơm blau njrăng bâr mbung dơi mât nau rêh păng nơm, Ƀiălah nơm nđar huy ir mbung n'ho geh nau rai yot.

Nau Hôr 14:23

Lĕ rngôch nau kan hŏt geh nau khlay da dê, Ƀiălah nau ngơi dơm dam njŭn leo ma nau o ach.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 9:8

Lơi ta nduyh ôh ma bunuyh mưch klach lah păng tâm rmot ma may; Nduyh hom ma bunuyh blau mĭn păng mra rŏng ma may.

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Nơm Nti 10:12

Bâr mbung bunuyh blau mĭn ngơi luh nau bu yô̆, Ƀiălah nơm rluk ƀư rai păng nơm.

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.