Nau Hôr 10:7 - Nau Brah Ndu Ngơi 2023

⁷ Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Nau Hôr 10:7 ပူးပေါင်းရင်းမြစ်များ

I Phung Hađăch 11:36

Gâp mra prăp du ndŭl mpôl ma kon bu klâu păng, gay ăn ma Y-Đavit, oh mon Gâp, dơi geh bunuyh thoi sưng hađăch n'ho ro tanăp măt Gâp ta Yêrusalem, jêng ƀon Gâp săch jêh gay dơm amoh Gâp ta nây.

II Phung Hađăch 19:34

Yor Gâp jêh ri yor Y-Đavit, oh mon Gâp, Gâp nơm mra king n'gang jêh ri tâm rklaih ƀon aơ.”

II Nau Rêh Jêng 24:16

Khân păng tâp păng tâm ƀon Đavit ndrel ma phung hađăch, yorlah păng ƀư nau ueh tâm n'gor Israel tâm nau pah kan Brah Ndu jêh ri nkra tay ngih brah Păng.

II Nau Rêh Jêng 32:33

Y-Hêsêkia khĭt hăn gŭ ndrel ma phung chô yau păng, jêh ri bu tâp păng tâm môch klơ dor yôk ma kon sau Y-Đavit. Lĕ rngôch phung Yuđa jêh ri phung gŭ tâm ƀon Yêrusalem tâm mpơl nau yơk ma păng da dê tâm nar păng khĭt. Y-Manasê, kon bu klâu păng, chiă uănh thoi ntrok păng.

Ndrom Samƀŭt bơh Yôp 18:17

Nau ndray tâm n'gor păng mâu mra hôm ôh, Padih n'gor amoh săk năm deh păng mâu geh ôh bunuyh nkah tay.

Ndrom Samƀŭt bơh Yôp 24:20

Nuih n'hâm mê̆ mra chuêl khân păng; Phung rhai sa khân păng kah ngăn; Mâu hôm geh ôh bunuyh kah gĭt ma khân păng; Nau djơh mhĭk mra nkê̆ch pă nâm bu du tơm si kro.

Ndrom Samƀŭt bơh Yôp 27:23

Sial tap ti gơm mưch ma păng, Lŭng nter gay mprơh du păng luh bơh ntŭk păng gŭ.”

Nau Mprơ Ơm 109:13

Ăn bu nkhĭt lơi phung kon sau păng, Jut lơi amoh khân păng tâm rnôk kăndơ̆.

Nau Mprơ Ơm 109:15

Ăn lĕ nau tih nĕ gŭ tanăp măt Brah Yêhôva ƀaƀơ Gay ma Păng jut lĕ nau ndray khân păng bơh neh ntu.

Nau Mprơ Ơm 112:6

Bunuyh sŏng srăng mâu mra n'gơ n'găr ôh, Nau kah gĭt ndray păng hôm tât n'ho ro.

Nau Mprơ Ơm 34:16

Ƀiălah muh măt Brah Yêhôva ƀư tâm rdâng đah phung ƀư mhĭk Gay jut lơi ăn kloh nau khân păng ndray kah gĭt bơh neh ntu.

Nau Mprơ Ơm 34:17

Phung sŏng srăng nter kuăl, Brah Yêhôva iăt, Jêh ri tâm rklaih nơm nây bơh lĕ nau rêh ni.

Nau Mprơ Ơm 41:5

Phung rlăng gâp ngơi nau ƀai pô aơ: “Ndah jŏ păng mra khĭt? Ndah jŏ amoh păng mra rai yot?”

Nau Hôr 22:1

Nau lư n'găr ueh khlay lơn ma prăk ndơ âk, Bi nau yô̆ khlay lơn prăk mah.

Nơm Nti 8:10

Gâp saơ đŏng phung djơh mhĭk khĭt jêh ri dơi geh nau tâp brôi ueh djrêp; luh du tă bơh neh kloh ueh, phung ƀon lan tâm ƀon gơnh chuêl lĕ nau mhĭk bunuyh khĭt hŏ ƀư. Nây ăt jêng nau dơm dam.

Êsai 14:22

Brah Yêhôva ma phung tahan lah: “Gâp mra dâk tâm rdâng ma khân păng. Gâp mra ƀư rai amoh Babilôn jêh ri phung hôm klen, nđâp ma phung kon sau jêh ri phung sau se,” Brah Yêhôva lah pônây.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Markôs 14:9

N'hêl nanê̆, Gâp lah ma khân may, lam neh ntu aơ, ăp ntŭk bu mbơh nkoch ma Nau Mhe Mhan Ueh, nau kan bu ur nây hŏ ƀư bu mra nkah tay gay kah gĭt păng.”

Luka 1:48

Yorlah Păng hŏ uănh yô̆ jêh kon bunuyh jê̆ lê̆ oh mon bu ur Păng. Aơ, ntơm aƀaơ tât kăndơ̆, lĕ rngôch rnôk mra rnê ma gâp jêng bunuyh geh ueh lăng ngăn;