Nau Hôr 10:24 - Nau Brah Ndu Ngơi 2023

²⁴ Moh ntil ndơ phung ƀai klach mra tât ma khân păng, Ƀiălah ntil ndơ phung sŏng srăng ŭch mra dơi ăn geh.

Nau Hôr 10:24 ပူးပေါင်းရင်းမြစ်များ

Ndrom Samƀŭt bơh Yôp 15:21

Tăng nau klach krit nter nteh mro kêng tôr; Dôl ueh mpăn phung ntŭng văch tât.

Ndrom Samƀŭt bơh Yôp 3:25

Nau gâp klach krit hŏ văch tât ma gâp, Ntil gâp klach krit ngăn hŏ nkhŭt tâm gâp!

Nau Mprơ Ơm 145:19

Păng ƀư mpay ma phung klach yơk Păng, Tăng đŏng nau khân păng kuăl dăn jêh ri rklaih an khân păng.

Nau Mprơ Ơm 21:2

Kôranh Brah ăn jêh ma păng nau nuih n'hâm păng ŭch, Mâu dun đŏng ôh nau bâr mbung păng dăn. (Sêla)

Nau Mprơ Ơm 37:4

Maak hom tâm Brah Yêhôva Pôri Păng mra ăn ma may nau nuih n'hâm may ŭch.

Nau Hôr 1:26

Yor ri gâp mra gơm nôk khân may mâp nau mhĭk, Jêh ri gâp mra mưch dôl khân may krit klach;

Nau Hôr 1:27

Lah nau krit klach toyh tât ndal nâm bu phŭt chuănh, Nau mhĭk tât nâm bu phŭt sial ktang, Jêh ri nau o ach, nau uh ah tât ma khân may.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Êsai 66:4

Gâp mra săch lĕ nau ƀư rêh ni ma khân păng, Mra ăn tât ma khân păng nau klach kir. Yorlah Gâp kuăl jêh ƀiălah mâu geh nơm plơ̆ lah ôh, Gâp ngơi jêh ƀiălah khân păng mâu iăt ôh; Khân păng ƀư jêh nau mhĭk tâm dâng măt Gâp, Jêh ri săch nau Gâp mâu maak.”

Êsêkiêl 11:8

Khân may klach ma đao ƀiălah Gâp mra ăn đao tât ma khân may, Yêhôva Brah Ndu lah pônây.

Daniel 4:28

Lĕ rngôch nau nây geh tât ma hađăch Nêbukatnetsar da dê.

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Yôhan 14:18

Gâp mâu chalơi khân may jêng kon đơi ôh, Gâp mra plơ̆ đŏng ma khân may.

Yôhan 16:24

Tât aƀaơ, khân may ê hŏ dăn moh ndơ ôh tâm amoh Gâp. Dăn hom, khân may mra dơi geh, gay ma nau maak khân may dơi rĭng.

ហេឞ្រើ 10:27

ƀiălah klach ngăn gŭ kâp ma nau phat dôih jêh ri ŭnh hit ngăn mra sa phung tâm rdâng.