Nau Hôr 10:22 - Nau Brah Ndu Ngơi 2023

²² Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nau Hôr 10:22 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 13:2

Y-Abram ndrŏng ngăn geh âk mpô mpa rong, prăk jêh ri mah.

Nau Ntơm 14:23

gâp mâu geh sŏk ôh moh ntil ndơ bơh hađăch, mâu lah du njăr rse brai, mâu lah du njăr rse kât ntâu jot kađôi, klach lah hađăch lah: ‘Gâp n'hao drŏng ma Y-Abram’.

Nau Ntơm 24:35

Brah Yêhôva hŏ ăn nau ueh uĭn âk ma kôranh gâp jêh ri ăn ma kôranh gâp jêng ndrŏng. Păng ăn ma kôranh gâp biăp ndrôk, prăk mah, phung oh mon bu klâu bu ur, seh samô jêh ri seh bri.

Nau Ntơm 26:12

Y-Isăk tuch tăm ntil găr tâm n'gor nây jêh ri năm nây păng geh hao âk lơn du rhiăng tơ̆, yor Brah Yêhôva ăn nau ueh uĭn ma păng.

Nau Ntơm 26:13

Păng jêng ndrŏng, drăp ndơ păng ntop mro tâm ăp nar kŏ tât păng jêng bunuyh dŭt ndrŏng ngăn ngên.

I Phung Hađăch 21:19

Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

II Nau Rêh Jêng 25:9

Y-Amasia lah ma bunuyh Brah Ndu: “Mâm gâp mra ƀư ma pe rbăn kilô prăk gâp hŏ ăn jêh ma phung tahan Israel?” Bunuyh Brah Ndu plơ̆ lah: “Brah Yêhôva ăn ma may âk rmeh lơn ma rnoh nây.”

II Nau Rêh Jêng 32:27

Y-Hêsêkia jêng dŭt ndrŏng jêh ri nau bu yơk toyh ngăn. Păng ndâk ma păng nơm lĕ jay prăp prăk, mah, lŭ khlay, dak si ƀâu kah, khêl, jêh ri lĕ ndơ dŏng geh rnoh khlay.

II Nau Rêh Jêng 32:29

Păng ăt ndâk âk play ƀon, mât rong âk biăp jêh ri ndrôk, yorlah Brah Ndu ăn ma păng geh âk drăp ndơ.

Nau Mprơ Ơm 107:38

Brah Ndu ăn nau ueh uĭn ma khân păng, jêh ri khân păng bĭk âk. Păng mâu ăn phung mpô mpa rong khân păng geh nau n'hŭch.

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 37:22

Yorlah phung Brah Ndu ăn nau ueh uĭn mra dơn neh, Bi ma phung Păng rak rtăp mra rai yot.

Nau Hôr 14:24

Đon hađăch ma phung blau mĭn jêng nau ndrŏng kuăng, Bi ma rvang kao phung rluk mâl jêng nau brŭt moih.

Nau Hôr 20:21

Drăp ndơ dơi geh ngăch ndal nôk ntơm dak bôk Mâu mra dơi geh nau ueh uĭn ôh ta nglĕ dŭt.

Nau Hôr 28:22

Bunuyh geh măt ndơm kơnh ndal ir nchuăt tĭng drăp ndơ, Mâu gĭt ôh nau pưt mâu tŏng mra tât kêng păng.

Nau Hôr 8:21

Gay ăn drăp ndơ ma phung rŏng ma gâp, Jêh ri ƀư bêng lĕ jay drăp khlay khân păng.

Daniel 1:15

Lôch jât nar jêh, săk jăn khân păng ueh lơn, lay lơn ma lĕ rngôch phung bu klâu ndăm sa ndơ kah hađăch ăn.

Sakari 5:4

Brah Yêhôva ma phung tahan lah: “Gâp mra ƀư ma ndrom samƀŭt aơ hăn, păng mra lăp tâm ngih phung ntŭng, jêh ri tâm ngih phung ton mƀruh ma amoh Gâp. Păng mra gŭ ta nklang ngih vâl nây jêh ri su ƀư rai ngih vâl nây, nđâp ma kađar jêh ri lŭ.”

Nau Vay Nkah Tay 26:10

Hơi Brah Yêhôva! Aƀaơ hên nhhơr ma May lĕ play dak bôk yan bơh neh May ăn ma hên.’ Ngơi lôch jêh, khân may mra dơm ndơ nây ta klơ nơng ƀư brah, tanăp Yêhôva Brah Ndu jêh ri chon mon yơk mbah Păng.

Nau Vay Nkah Tay 28:11

Brah Yêhôva mra ƀư nau chăt hao ma khân may, play bơh ndŭl proch săk jăn khân may, play bơh mpô mpa rong, kao play tâm mir khân may mra dơi geh âk ngăn tâm n'gor Păng mra ăn ma khân may tĭng nâm nau ton ma phung chô yau khân may.

Yôsuê 6:18

Ƀiălah du ngai hom lĕ ndơ prăp ma nau ƀư rai. Yorlah tơlah khân may sŏk lĕ ndơ prăp ƀư rai lơi, khân may mra ƀư ma pôih tahan phung Israel jêng ndơ prăp ma nau ƀư rai, jêh ri djôt nau uh ah lăp tâm pôih tahan nây.