Nau Hôr 10:21 - Nau Brah Ndu Ngơi 2023

²¹ Bâr mbung bunuyh sŏng srăng siăm âk bunuyh rêh, Bi phung rluk khĭt yor mâu geh nau gĭt vât.

Nau Hôr 10:21 ပူးပေါင်းရင်းမြစ်များ

Ndrom Samƀŭt bơh Yôp 23:12

Gâp mâu du ngai lĕ nau vay ntăm bơh bâr mbung Păng, Djôt prăp mro tâm nuih n'hâm gâp nau ngơi bơh bâr mbung Păng.

Nau Mprơ Ơm 37:30

Trôm mbung bunuyh sŏng ngơi nau blau mĭn, Mpiăt bunuyh nây nkoch nau sŏng.

Nau Hôr 1:29

Yorlah khân păng tâm rmot jêh ma nau blau mĭn, Mâu săch ôh nau klach yơk ma Brah Yêhôva,

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 1:32

Yor ma nau tâm rdâng bơh phung rluk mra nkhĭt khân păng, Jêh ri nau ueh mpăn bơh phung rluk mra ƀư rai khân păng.

Nau Hôr 10:11

Bâr mbung bunuyh sŏng srăng jêng tu ma nau rêh, Ƀiălah bâr mbung phung ƀai prăp bun nau mhĭk.

Nau Hôr 12:18

Nau ngơi mâu njrăng ôh jêng nâm bu ntâp ma đao, Ƀiălah mpiăt phung blau mĭn jêng djôt nau blau ƀư bah.

Nau Hôr 15:4

Mpiăt rdơ̆ rbăn jêng nâm bu tơm si nau rêh, Ƀiălah mpiăt kue ăn chah nuih n'hâm.

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nau Hôr 17:16

Moh nau khlay ma bunuyh rluk djôt prăk tâm ti gay ma rvăt nau blau mĭn, Lah păng mâu geh ôh nuih n'hâm ŭch nti?

Nau Hôr 5:12

May mra kuăl huy: “Mâm gâp hŏ rmot ma nau ntĭm nti, Jêh ri nuih n'hâm gâp mưch ma nau nduyh!

Nau Hôr 5:2

Gay ma may dơi mât nau blau njrăng, Jêh ri mbung may djôt prăp nau blau mĭn âk.

Nau Hôr 5:23

Păng mra khĭt yor mâu iăt nau ntĭm nti, Jêh ri nhhơt trong yor nau brŭt ndrăng ir.

Nau Hôr 6:32

Ƀiălah bunuyh tâm lâm jêng nơm roh nau mĭn; Mbu nơm ƀư pônây, ƀư rai êng huêng păng nơm.

Nơm Nti 12:11

Nau bunuyh blau mĭn nâm bu mplanh mâng loih nơm chiăp; lĕ nau hôr dơi rgum tay nâm bu kđĭn pâng nâp; yor du huê rmăk biăp mbơh jêh.

Êsai 5:13

Yor ri, phung ƀon lan gâp mra hăn jêng bu nă yorlah pưt nau gĭt mĭn; Phung bu yơk tâm khân păng khĭt ji ngot, Bi phung ƀon lan geh nau ji hir.

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Yêrêmi 3:15

Gâp mra ăn khân may phung chiăp ueh nuih n'hâm Gâp. Khân păng mra sŏk nau gĭt rbăng jêh ri nau blau mĭn rong siăm khân may.”

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Mathay 13:19

Mbu tăng nau ngơi ma ƀon bri hađăch klơ trôk ƀiălah mâu gĭt rbăng ôh, brah djơh văch sŏk lơi nau bu nsrih jêh tâm nuih n'hâm păng; nây jêng nâm bu găr ntil tŭp rŏ trong.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

I Pêtrôs 5:2

Chiăp hom phung biăp Brah Ndu jao jêh ma khân may, mâu di yor ma nau nchâp ôh, ƀiălah ŭch nđơr êng, mâu di yor ma drăp ndơ nkhôm mâu khlay ôh ƀiălah ma lĕ nuih n'hâm nđơr,