Nau Hôr 10:2 - Nau Brah Ndu Ngơi 2023

² Drăp ndơ nau ƀư djơh mâu jêng khlay ôh, Ƀiălah nau sŏng srăng tâm rklaih bunuyh bơh nau khĭt.

Nau Hôr 10:2 ပူးပေါင်းရင်းမြစ်များ

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Nau Hôr 12:28

Tâm trong sŏng srăng geh nau rêh, Chuat hăn tâm trong păng mâu geh nau khĭt.

Nau Hôr 13:11

Drăp ndơ tă bơh nau kue mra roh mbrơi, Ƀiălah mbu nơm blau ti bun prăp drăp ndơ mra ntop lơ âk.

Nau Hôr 21:6

Drăp ndơ geh tă nau ngơi mƀruh dĭng dơi geh Jêng nau dơm dam gơnh roh, jêng dăk sân phung joi nau khĭt.

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,