Nau Hôr 1:8 - Nau Brah Ndu Ngơi 2023

⁸ Hơi kon gâp, iăt hom nau mbơ̆ ntĭm nti, Lơi ta dun ôh nau mê̆ may nti;

Nau Hôr 1:8 ပူးပေါင်းရင်းမြစ်များ

Nau Hôr 1:10

Hơi kon gâp, tơlah phung tih nsŭk ndơm may, Lơi ta may iăt.

Nau Hôr 1:15

Hơi kon gâp, lơi ta tĭng ôh trong khân păng, Nkân hom jâng may klaih bơh trong khân păng,

Nau Hôr 2:1

Hơi kon gâp, tơlah may sŏk dơn nau gâp nti Jêh ri djôt prăp lĕ nau vay gâp ntăm,

Nau Hôr 23:22

Iăt hom nau mbơ̆ hŏ deh jêh may, Lơi mưch rmot ôh ma mê̆ may lah păng lĕ ranh jêh.

Nau Hôr 3:1

Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Nau Hôr 30:17

Măt mưch ma mbơ̆, Mưch ma nau tông bâr mê̆, Mra geh phung nđak tâm rlŭng chôk rloch, Jêh ri klang kon sa păng.

Nau Hôr 31:1

Nau hađăch Y-Lêmuêl, lĕ nau mê̆ păng nti ma păng.

Nau Hôr 5:13

Mâm gâp mâu tông bâr nai nti, Jêh ri mâu lĕ ŭch rkêng tôr iăt nau bunuyh ntĭm nti gâp!

Nau Hôr 6:20

Hơi kon gâp, djôt prăp hom nau mbơ̆ may ntăm, Lơi ta chalơi ôh lĕ nau mê̆ may nti.

Nau Hôr 7:1

Hơi kon gâp, djôt prăp hom nau gâp ngơi Jêh ri sŏk prăp tâm nuih n'hâm may nau vay ntăm bơh gâp.

Yêrêmi 35:8

Hên tông lĕ bâr Y-Jêhônadap, kon bu klâu Rêkap, chô yau hên ntĭnh jêh ma hên. Tâm lĕ nar hên gŭ rêh, ur, kon bu klâu, kon bu ur hên mâu nhêt ndrănh da dê.

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Mathay 9:2

Bu tung njŭn ma Păng du huê bunuyh rvĕn gŭ ta sưng bê̆ch. Brah Yêsu saơ nau rnơm phung nây jêh ri lah ma bunuyh rvĕn: “Hơi kon, nâp hom nuih n'hâm, nau tih may yô̆ an jêh.”

Mathay 9:22

Brah Yêsu n'gĭl uănh, saơ păng jêh ri lah: “Hơi kon, maak hom! Nau chroh ay yơh hŏ rklaih ay jêh.” Mông nây, bu ur nây dơi bah nau ji.

II Timôthê 1:5

Gâp ăt kah gĭt đŏng ma nau chroh may răp jăp ngăn, jêng nau chroh geh lor tâm H'Lôis, u may, jêh ri tâm H'Ơnis, mê̆ may; gâp gĭt ngăn jêh ma nau chroh nây nar aơ gŭ tâm may.

Bu ur Rut 3:6

Pônây păng hăn ma ntŭk mprah ba jêh ri ƀư di tĭng nâm po păng hŏ ntĭnh jêh.

I Samuel 2:25

Tơlah du huê bunuyh ƀư tih ma huê bunuyh ri, Brah Ndu phat dôih ma bunuyh nây; ƀiălah tơlah du huê nuyh ƀư tih ma Brah Yêhôva, mbu nơm mra mbơh sơm kơl an?” Ƀiălah khân păng mâu ŭch iăt ôh nau mbơ̆ khân păng, yorlah Brah Yêhôva ŭch nkhĭt lơi khân păng.