Nau Hôr 1:7 - Nau Brah Ndu Ngơi 2023

⁷ Nau klach yơk ma Brah Yêhôva jêng tơm ma nau gĭt rbăng, Bi phung rluk tâm rmot ma nau blau mĭn jêh ri nau ntĭm nti.

Nau Hôr 1:7 ပူးပေါင်းရင်းမြစ်များ

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Hôr 1:22

“Hơi phung rluk, khân may rŏng nau rluk kŏ tât ndah dŭt jŏ? Phung mưch mra rŏng ma nau tâm mưch Jêh ri phung rluk mra tâm rmot ma nau blau mĭn kŏ tât ndah nâm jŏ?

Nau Hôr 15:32

Mbu nơm dun nau ntĭm nti jêng tâm rmot ma huêng păng nơm, Ƀiălah mbu nơm iăt nau nduyh nkra dơi geh nau gĭt rbăng.

Nau Hôr 15:33

Nau klach yơk ma Brah Yêhôva ntĭm nau blau mĭn, Jêh ri nau dêh rhêt hăn lor ma nau yơk.

Nau Hôr 15:5

Bunuyh rluk tâm rmot nau mbơ̆ păng ntĭm nti, Ma mbu nơm iăt nau nduyh nkra jêng nau blau ngăn.

Nau Hôr 18:2

Bunuyh rluk mâu ŭch ôh ma nau gĭt rbăng, Ƀiălah knŏng ŭch mbơh nau păng nơm mĭn.

Nau Hôr 2:5

Nôk nây may gĭt rbăng nau klach yơk ma Brah Yêhôva Jêh ri dơi joi nau gĭt rbăng Brah Ndu.

Nau Hôr 23:9

Lơi ngơi ôh tâm tôr bunuyh rluk, Yorlah păng mra mưch ma nau ngơi blau mĭn may ngơi.

Nau Hôr 9:10

Nau klach yơk ma Brah Yêhôva, nây jêng tơm ma nau blau mĭn, Nau gĭt năl Nơm Kloh Ueh, nây jêng nau gĭt rbăng.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’