Nau Hôr 1:5 - Nau Brah Ndu Ngơi 2023

⁵ Phung blau mĭn mra gŭ iăt jêh ri ntop nau gĭt blau lơn, Phung gĭt rbăng mra dơi joi nau bu ntĭm,

Nau Hôr 1:5 ပူးပေါင်းရင်းမြစ်များ

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Ndrom Samƀŭt bơh Yôp 34:10

Yor nây, hơi phung gĭt rbăng, iăt hom nau gâp; Brah Ndu mâu mâp ôh ƀư nau djơh, Nơm Geh Lĕ Nau Brah mâu lĕ mâp ƀư tih.

Ndrom Samƀŭt bơh Yôp 34:16

Tơlah may gĭt rbăng, iăt hom nau aơ; Rkêng hom tôr iăt nau gâp ngơi.

Ndrom Samƀŭt bơh Yôp 34:2

“Hơi phung bunuyh blau mĭn, iăt hom nau gâp ngơi! Hơi lĕ khân may phung gĭt rbăng, rkêng tôr iăt hom nau gâp!

Ndrom Samƀŭt bơh Yôp 34:34

Phung gĭt rbăng mra lah ma gâp, Phung blau mĭn dôl gŭ iăt nau gâp mra ngơi pô aơ:

Nau Hôr 12:1

Mbu nơm rŏng nau nduyh nkra jêng rŏng ma nau gĭt rbăng, Mbu nơm tâm rmot nau nduyh lah jêng nơm rluk.

Nau Hôr 14:6

Bunuyh dăng mưch joi nau blau mĭn ƀiălah mâu mâp ôh, Ƀiălah bunuyh gĭt mĭn nơih pơih mâp nau blau mĭn.

Nau Hôr 18:15

Nuih n'hâm bunuyh gĭt rbăng vơt dơn nau blau mĭn, Tôr bunuyh blau mĭn tĭng joi nau gĭt rbăng.

Nau Hôr 19:25

Dong ăn nhăl hom bunuyh mưch ri mơ bunuyh rluk mra dơi jêng nau blau ngăn; Nduyh hom bunuyh gĭt vât, bunuyh nây mra ntop nau blau mĭn âk.

Nau Hôr 21:11

Lah phung mưch lĕ tâm rmal, bunuyh rluk mra jêng blau mĭn; Lah geh nau bu ntĭm nti, bunuyh blau mĭn lơ ntop lơn nau blau mĭn âk.

Nau Hôr 8:33

Iăt hom nau ntĭm nti jêh ri rêh blau mĭn; Lơi ta chalơi păng ôh.

Nau Hôr 9:8

Lơi ta nduyh ôh ma bunuyh mưch klach lah păng tâm rmot ma may; Nduyh hom ma bunuyh blau mĭn păng mra rŏng ma may.

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

I Kôrintô 10:15

Gâp ngơi ma khân may tâm ban ma phung blau mĭn; ăn khân may sek uănh êng ma nau gâp lah.

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’