Nau Hôr 1:33 - Nau Brah Ndu Ngơi 2023

³³ Ƀiălah mbu nơm iăt gâp mra hôm rêh ueh mpăn, Mra dơi geh nau đăp mpăn, mâu klach nau mhĭk ôh.”

Nau Hôr 1:33 ပူးပေါင်းရင်းမြစ်များ

Ndrom Samƀŭt bơh Yôp 36:11

Tơlah khân păng tông iăt jêh ri pah kan ma Păng, Khân păng mra dơn âk nar gŭ rêh chăt jêng. Jêh ri lĕ khay năm bêng ma nau răm maak.

Nau Mprơ Ơm 81:13

Ơ! Di lĕ phung ƀon lan Gâp iăt Gâp! Di lĕ Israel dơi hăn tâm trong Gâp!

Nau Hôr 12:21

Mâu geh ôh du ntil nau mhĭk tât ma bunuyh sŏng srăng, Ƀiălah phung ƀai nkŭm bêng ma nau mhĭk tât.

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 9:11

Yor ma gâp, lĕ nar may rêh mra dơi ntop âk lơn, Jêh ri mra ntop năm may gŭ rêh.

Nơm Nti 8:12

Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Êsai 26:3

Mbu nơm ăn nau mĭn păng rnơm nsing ma Kôranh Brah Păng mra mât mray păng tâm nau đăp mpăn nŭm rĭng, Yorlah păng rnơm nsing ma May.

Êsai 32:17

Ndô ndơ bơh nau sŏng srăng jêng nau đăp mpăn, Play khlay bơh nau sŏng srăng jêng nau đăp rmên jêh ri nau rnơm ƀaƀơ.

Êsai 48:18

Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Kan Lêvi 25:18

Yor nây ăn khân may ƀư tĭng lĕ nau vay dăp bơh Gâp, mât mray jêh ri ƀư tĭng lĕ nau vay ƀư bơh Gâp, gay ma khân may dơi gŭ rêh đăp mpăn tâm n'gor.

Kan Lêvi 25:19

Neh mra deh play kao ăn ma khân may, khân may mra sa kŏ hơm jêh ri gŭ rêh ma nau đăp mpăn tâm n'gor.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Luka 21:19

Ma nau srôih yơh khân may mra tâm rklaih huêng khân may.

Luka 21:9

Tơlah khân may tăng lah ma nau tâm lơh, nau uh ah, lơi klach krit ôh; yorlah lĕ nau nây mra tât geh, ƀiălah ê hŏ tât nar kêng lôch ro ôh.”

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!