Nau Hôr 1:28 - Nau Brah Ndu Ngơi 2023

²⁸ Rnôk nây khân păng mra kuăl gâp, ƀiălah gâp mâu plơ̆ lah ôh; Ơm ôi khân păng mra joi gâp, ƀiălah mâu ôh dơi mâp gâp.

Nau Hôr 1:28 ပူးပေါင်းရင်းမြစ်များ

Nau Ntơm 6:3

Brah Yêhôva lah: “Huêng Brah Gâp mâu mra gŭ mro ôh tâm kon bunuyh yorlah khân păng knŏng jêng nglay săk, nau rêh bunuyh mra hôm e du rhiăng bar jât năm dơm.”

Ndrom Samƀŭt bơh Yôp 27:9

Brah Ndu hŏ iăt lĕ nau păng lŭng nter, Tơlah nau rêh ni nkhŭt jŭr ta klơ păng?

Ndrom Samƀŭt bơh Yôp 35:12

Khân păng lŭng nter ƀiălah Păng mâu plơ̆ lah ôh, Yorlah nuih n'hâm sưr rlau phung bunuyh djơh mhĭk.

Nau Mprơ Ơm 18:41

Khân păng nter ƀiălah mâu geh bunuyh kơl rklaih, Nter dăn ma Brah Yêhôva ƀiălah Păng mâu plơ̆ sĭt lah ôh.

Nau Mprơ Ơm 18:42

Gâp ƀư lêk khân păng nâm bu neh muy mpăr tâm sial, Nkhŭt khân păng nâm bu neh bŏk rŏ trong.

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Nau Mprơ Ueh 5:6

Gâp pơk mpông ăn ma nơm gâp rŏng, Ƀiălah nơm gâp rŏng hŏ du roh jêh. Păng hŏ du roh jêh, nuih n'hâm gâp khĭt klêm. Gâp joi păng, ƀiălah mâu mâp ôh; Gâp kuăl păng ƀiălah păng mâu plơ̆ lah.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 5:6

Khân păng mra hăn ndrel ma phung biăp phung ndrôk khân păng Gay tĭng joi Brah Yêhôva, Ƀiălah khân păng mâu dơi mâp Păng ôh! Păng hŏ chalơi jêh khân păng.

Amôt 8:12

Rnôk nây, khân păng mra hăn nsong blêng ntơm bơh dak mƀŭt aơ tât dak mƀŭt êng, Ntơm mpeh pa lơ tât mpeh luh nar; Khân păng nchuăt ta aơ ta ri gay ŭch joi nau Brah Yêhôva ngơi, Ƀiălah joi mâu dơi saơ ôh.

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Nau Vay Nkah Tay 1:45

Rnôk plơ̆ sĭt khân may hŏ nhĭm jêh tanăp măt Brah Yêhôva, ƀiălah Brah Yêhôva mâu iăt ôh jêh ri kŏ mâu đŏng rkêng tôr ma nau khân may nter nhĭm.

Yakơ 4:3

Khân may mbơh sơm dăn ƀiălah mâu sŏk dơn ôh, yorlah khân may dăn mbơh sơm đah nau mĭn mhĭk, gay ŭch dŏng ma nglay săk khân may nơm ŭch.

I Samuel 8:18

Nôk nây, khân may mra nter vơl yor ma hađăch jêng nơm khân may săch jêh ma khân may nơm, ƀiălah nôk nây Brah Yêhôva mâu iăt ôh ma khân may.”