Nau Hôr 1:27 - Nau Brah Ndu Ngơi 2023

²⁷ Lah nau krit klach toyh tât ndal nâm bu phŭt chuănh, Nau mhĭk tât nâm bu phŭt sial ktang, Jêh ri nau o ach, nau uh ah tât ma khân may.

Nau Hôr 1:27 ပူးပေါင်းရင်းမြစ်များ

Ndrom Samƀŭt bơh Yôp 27:9

Brah Ndu hŏ iăt lĕ nau păng lŭng nter, Tơlah nau rêh ni nkhŭt jŭr ta klơ păng?

Nau Mprơ Ơm 58:9

Tâm ban bu su lok tâm ŭnh năk kơt nây lĕ Jêh ri Păng mra ăn sial phŭt khôm lơi khân păng, nđâp lah khân păng hôm ndrêh mâu lah lĕ ŭnh sa.

Êsai 17:13

Ngăn, phung mpôl băl bunuyh lŭng nter tâm ban ma âk n'hong dak nkhŭt djhu djhut, Ƀiălah nôk Kôranh Brah nduyh, khân păng nchuăt du ngai, Jêh ri bu nsot khân păng tâm ban ma sial khôm njŏk nja ta klơ yôk, Tâm ban ma ndruyh neh tâm phŭt chuănh.

Yêrêmi 23:19

Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Nahum 1:3

Brah Yêhôva mâu gơnh nuih ôh jêh ri geh nau brah dŭt toyh, Ƀiălah Păng mâu uănh ôh nơm geh nau tih jêng mâu tih. Brah Yêhôva chuat hăn tâm phŭt chuănh jêh ri tâm sial vănh blông, Ndâr tŭk jêng ndruyh neh tâm dâng jâng Păng.

Samƀŭt Pôl Njuăl Ăn Ma Phung Nsing Ta Ƀon Rôm 2:9

Nau rêh ni jêh ri nau rngot klâng mra nkhŭt jŭr ma lĕ rngôch bunuyh ƀư mhĭk, lor lơn ma phung Yuđa, pakơi ma phung Grek.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.