Nau Hôr 1:23 - Nau Brah Ndu Ngơi 2023

²³ Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Nau Hôr 1:23 ပူးပေါင်းရင်းမြစ်များ

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Hôr 1:25

Ƀiălah khân may dun lơi lĕ rngôch nau gâp ntĭm nti, Mâu ŭch sŏk dơn ôh nau gâp nduyh;

Nau Hôr 1:30

Mâu lĕ ŭch tĭng nau gâp ntĭm nti, Jêh ri mưch rmot lĕ nau gâp nduyh;

Nau Hôr 10:17

Bunuyh djôt prăp nau bu ntĭm nti, hăn tâm trong nau rêh; Mbu nơm dun nau bu nkra mra nhhơt vĭ hêng.

Nau Hôr 12:1

Mbu nơm rŏng nau nduyh nkra jêng rŏng ma nau gĭt rbăng, Mbu nơm tâm rmot nau nduyh lah jêng nơm rluk.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nau Hôr 6:23

Yorlah nau vay ntăm jêng ŭnh kađen, nau vay jêng nau ang, Jêh ri nau nduyh lah ntĭm nti jêng trong hăn ma nau rêh,

Êsai 32:15

Kŏ tât Brah tă bơh klơ nkhŭt ăn ma he, Bri rdah plăch jêng đang tơm sa play, Bu uănh ta đang tơm sa play tâm ban ma bri krŏng.

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Yôel 2:27

Khân may mra gĭt pô aơ Gâp gŭ ta nklang phung Israel, Jêh ri gĭt pô aơ Gâp jêng Yêhôva Brah Ndu khân may, Mâu hôm geh nơm êng ôh. Phung ƀon lan Gâp mâu mra geh nau bêk prêng đŏng ôh.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Yôel 3:1

“Yor aơ, tâm lĕ nar nây, jêh ri jêng rnôk Gâp mra njŭn phung bu nă bơh Yuđa jêh ri Yêrusalem plơ̆ sĭt,

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Luka 11:13

Kơt nây, tơlah khân may jêng bunuyh mhĭk hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ gŭ klơ trôk mâu mra ăn Brah Huêng Ueh ma mbu nơm dăn ma Păng!”

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.

Kôranh Oh Mon 3:19

Pôri, khân may rmal hom nau tih jêh ri plơ̆ sĭt ma Brah Ndu gay ma nau tih khân ay may mra dơi lâm lơi,